Адміністрацыя распрацаванага Паўлам Дуравым мэсэнджара Telegram абвясціла пра пачатак конкурсу па ўзломе шыфравання перапіскі.
Паводле ўмоваў конкурсу, хакерам не трэба ўзламваць сам крыптаграфічны пратакол MTProto, які выкарыстоўваецца ў мэсэнджары Дурава Telegram. У конкурсе лічыцца, што хакеры ўжо захапілі поўны кантроль над серверамі.
Галоўная задача — даведацца з зашыфраванай перапіскі двух ботаў, Пола і Ніка, спецыяльны адрас электроннай пошты. Каб пачаць заданне, трэба знайсці ў Telegram карыстальніка з нікнэймам @CryptoContest і адаслаць яму слова «START».
Конкурс завершыцца пры першай перамозе хакераў ці спыніцца 4 лютага 2015 года, калі хакеры пацерпяць паразу. Галоўны прыз узломшчыку складае 300 тысяч даляраў, асобны прыз у 100 тысяч дастанецца таму, хто прымусіць бота прыняць зашыфраванае паведамленне.
У 2013 годзе Павел Дураў ужо праводзіў такі конкурс. Тады ён выклаў усю сваю перапіску ў Telegram у адкрыты доступ у выглядзе таго трафіку, які перадае мэсэнджар. Любому, хто змог бы яго расшыфраваць, ён абяцаў 200 тысяч даляраў. Конкурс завершыўся без пераможцы.
Telegram — мабільная праграма для абмену паведамленнямі і медыяфайламі. Праект створаны Паўлам Дуравым на аснове пратакола шыфравання MTProto, створанага яго братам Мікалаем Дуравым. Сама праграма пастаўляецца з адкрытым сыходным кодам.
***
Павел Дураў — расійскі прадпрымальнік, заснавальнік сацсеткі «Укантакце». У снежні 2013 года пазбавіўся ад сваёй долі (12%) ў кампаніі. Увесну 2014 года быў звольнены з пасады гендырэктара сацсеткі. Дураў пакінуў Расію, зараз з’яўляецца грамадзянінам Сэнт-Кітс і Нэвіс. У верасні 2014 года «Ўкантакце» была цалкам выкупленая Mail.ru Group.
-
Ён нагадвае марскога ската: амерыканскі стартап стварыў самалёт без звыклых крылаў і ілюмінатараў, які можа стаць новай старонкай у авіяцыі
-
Астэроід, які знішчыў дыназаўраў, мог выклікаць пажары па ўсёй планеце
-
Як спякота падчас цяжарнасці і ў першыя месяцы жыцця можа ўплываць на развіццё мозгу дзіцяці
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра17
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары