Стваральнік «Тэатра Ч», што паставіў «Дзяды»: наступнай пастаноўкай будзе сатырычнае фэнтэзі
«Першай пастаноўкай новага тэатра вырашылі зрабіць «Дзядоў», бо гэта твор беларускі, патрыятычны і актуальны», — расказвае Андрэй Чорны, кіраўнік «Тэатра Ч» і аднайменнага агенцтва, якое арганізуе гастролі маскоўскіх тэатраў у Беларусі.
«Мы даспявалі да яго гады тры, — кажа ён. — Чаму запрасілі літоўскую рэжысёрку? Не ў крыўду беларускім будзе сказана, але большасць з іх звязаная па руках і нагах. Дый эстэтыка, метафарычнасць, уласцівая літоўскаму тэатру, мне вельмі даспадобы. Яна не такая просталінейная, як наша. Някрошус вельмі цікавыя пытанні ставіць у сваіх спектаклях».
У тэатры Чорны займаецца менеджментам, арганізацыяй працэсу: «Сачу, каб ніхто з трупы ні ў чым не меў патрэбы». Колькі пастаноўка каштавала, ён сказаць адмовіўся: «Гэта рабілася не дзеля грошай, а для душы. Не ўсё вымяраецца грашыма».
Падыход да стварэння спектакля сапраўды быў душэўны. Рэпетыцыям папярэднічаў этап занурэння ў матэрыял: «Мы наведалі Завоссе, Навагрудак, нам спецыялісты чыталі лекцыі пра Міцкевіча — і ўжывую, і праз скайп».
Тэатр пакуль не мае ні сталага памяшкання, ні акрэсленага калектыву, але Чорнаму спадабалася працаваць з камандай, якая склалася на «Дзядах». Ён спадзяецца, што супраца з рэжысёрам і акторамі працягнецца.
Улетку трупа павязе «Дзяды» на тэатральны фестываль «Мельпамена Таўрыі» ў Херсон. Чакаюцца запрашэнні і з іншых фестываляў.
У наступных задумках — пастаноўка паводле рамана Тэры Прачэта «Варта! Варта!». «Гэта сатырычнае фэнтэзі, таксама актуальнае для нас», — кажа А. Чорны.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях7
Каментары