Stvaralnik «Teatra Č», što pastaviŭ «Dziady»: nastupnaj pastanoŭkaj budzie satyryčnaje fentezi
«Pieršaj pastanoŭkaj novaha teatra vyrašyli zrabić «Dziadoŭ», bo heta tvor biełaruski, patryjatyčny i aktualny», — raskazvaje Andrej Čorny, kiraŭnik «Teatra Č» i adnajmiennaha ahienctva, jakoje arhanizuje hastroli maskoŭskich teatraŭ u Biełarusi.
«My daśpiavali da jaho hady try, — kaža jon. — Čamu zaprasili litoŭskuju režysiorku? Nie ŭ kryŭdu biełaruskim budzie skazana, ale bolšaść ź ich źviazanaja pa rukach i nahach. Dyj estetyka, mietafaryčnaść, ułaścivaja litoŭskamu teatru, mnie vielmi daspadoby. Jana nie takaja prostaliniejnaja, jak naša. Niakrošus vielmi cikavyja pytańni stavić u svaich śpiektaklach».
U teatry Čorny zajmajecca mieniedžmientam, arhanizacyjaj pracesu: «Saču, kab nichto z trupy ni ŭ čym nie mieŭ patreby». Kolki pastanoŭka kaštavała, jon skazać admoviŭsia: «Heta rabiłasia nie dziela hrošaj, a dla dušy. Nie ŭsio vymiarajecca hrašyma».
Padychod da stvareńnia śpiektakla sapraŭdy byŭ dušeŭny. Repietycyjam papiaredničaŭ etap zanureńnia ŭ materyjał: «My naviedali Zavośsie, Navahrudak, nam śpiecyjalisty čytali lekcyi pra Mickieviča — i ŭžyvuju, i praz skajp».
Teatr pakul nie maje ni stałaha pamiaškańnia, ni akreślenaha kalektyvu, ale Čornamu spadabałasia pracavać z kamandaj, jakaja skłałasia na «Dziadach». Jon spadziajecca, što supraca z režysioram i aktorami praciahniecca.
Uletku trupa paviazie «Dziady» na teatralny fiestyval «Mielpamiena Taŭryi» ŭ Chierson. Čakajucca zaprašeńni i ź inšych fiestyvalaŭ.
U nastupnych zadumkach — pastanoŭka pavodle ramana Tery Pračeta «Varta! Varta!». «Heta satyryčnaje fentezi, taksama aktualnaje dla nas», — kaža A. Čorny.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ99
Kamientary