Bruchan paćvierdziŭ, što pojdzie ŭ śpikiery Kaardynacyjnaj rady ad frakcyi Łatuški
Kali Bruchana abiaruć śpikieram Kaardynacyjnaj rady, jon pakinie svaju pasadu ŭ Abjadnanym pierachodnym kabiniecie.
Namieśnik kiraŭnika NAU Arciom Bruchan paćvierdziŭ «Biełsatu», što frakcyja «Kamanda Łatuški i ruch «Za svabodu» vyłučyć jahonuju kandydaturu na post śpikiera Kaardynacyjnaje rady.
Čytajcie:Novym śpikieram Kaardynacyjnaj rady, chutčej za ŭsio, stanie Arciom Bruchan
«Heta ahulnaje rašeńnie našaj frakcyi, my praviali niekalki raŭndaŭ kansultacyjaŭ unutry frakcyi. Maja kandydatura budzie vysoŭvacca na pasadu paśla taho, jak budzie aficyjna pryznačanaja data vybaraŭ».
Pavodle Bruchana, kančatkovaja pastanova była pryniataja niekalki dzion tamu, adnak pra heta nie paviedamlali, bo jašče nie zaćvierdžanaja data vybaraŭ staršyni Rady.
Svaich płanaŭ na pasadzie śpikiera ŭ vypadku abrańnia palityk raskryvać nie staŭ: «Ja by chacieŭ ich ahučyć paśla taho, jak budzie pryznačanaja data vybaraŭ, budzie pasiadžeńnie KR, kab taksama heta abmierkavać na ahulnym pasiadžeńni Rady».
Bruchan paviedamiŭ, što kali jaho abiaruć śpikieram Kaardynacyjnaj rady, jon pakinie svaju pasadu ŭ Abjadnanym pierachodnym kabiniecie.
Čytajcie archiŭnuju hutarku z Arciomam Bruchanam: Były čynoŭnik raskazaŭ, jak pracavaŭ u vykankamie, nie pajechaŭ na mitynh za Łukašenku i za što chacieŭ by vybačycca
Kamanda Łatuški i ruch «Za svabodu» majuć prykładna 27 z 78 hałasoŭ. Hetaha niedastatkova dla taho, kab naŭprost pryznačyć svajho kandydata śpikieram. Adnak z ulikam realij vybary ŭ Kaardynacyjnaj radzie mohuć być biezalternatyŭnymi — nivodnaja inšaja palityčnaja siła nie maje takoj vahi, jak Łatuška, kab pasadzić svajho pradstaŭnika na pazicyju śpikiera.
-
Paźniak pra vyzvaleńnie palitviaźniaŭ: Jany kryčali: «dušyć sankcyjami». Toje, što my bačym — padrychtavali inšyja
-
«Kazyrami nie raskidvajucca. Baćka pierajhraŭ i źniščyŭ». Jak prapahanda patłumačyła vyzvaleńnie Cichanoŭskaha
-
Franak Viačorka pra Cichanoŭskaha i inšych vyzvalenych: Śpisy mianialisia ŭ samy apošni momant
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary