Budapiešt padtrymlivaje ŭstupleńnie Šviecyi ŭ Paŭnočnaatłantyčny aljans, zajaviŭ premjer-ministr Vienhryi Viktar Orban paśla telefonnaj razmovy z hienieralnym sakratarom NATA Jensam Stołtenbierham.
«My budziem praciahvać nastojvać na tym, kab Nacyjanalny schod Vienhryi prahałasavaŭ za dałučeńnie Šviecyi i zaviaršyŭ ratyfikacyju pry pieršaj mahčymaści», — napisaŭ Orban u sacyjalnaj sietcy X.
Jens Stołtenbierh skazaŭ, što vitaje vyraznuju padtrymku vienhierskaha premjer-ministra i jaho ŭrada ŭ adnosinach siabroŭstva Šviecyi ŭ NATA. «Ja ź nieciarpieńniem čakaju ratyfikacyi, jak tolki parłamient znoŭ źbiarecca», — napisaŭ jon u sacyjalnych sietkach.
23 studzienia stała viadoma, što na svaim pasiadžeńni ŭchvaliŭ zajaŭku Šviecyi na ŭstupleńnie ŭ NATA parłamient Turcyi. Paśla taho Vienhryja zastavałasia apošniaj krainaj, jakaja farmalna piarečyła ŭstupleńniu Šviecyi ŭ NATA, miž tym jak u hetaj arhanizacyi rašeńni prymajucca poŭnym kansensusam.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary