Parłamient Turcyi na svaim pasiadžeńni 23 studzienia ŭchvaliŭ zajaŭku Šviecyi na ŭstupleńnie ŭ NATA, paviedamlaje ahienctva Bloomberg.
Turcyja bolš za hod admaŭlałasia ratyfikavać šviedskuju zajaŭku, imknučysia za heta atrymać palityčnyja sastupki. Tak, turecki prezident Redžep Taip Erdahan patrabavaŭ ad Stakholma vydać Ankary aktyvistaŭ Kurdskaj rabočaj partyi, jakich tureckija ŭłady ličyć terarystami, a Šviecyja dała prytułak.
Akramia taho, tureckaje kiraŭnictva patrabavała admianić šviedskaje embarha na pastaŭku krainie zbroi, a taksama krytykavała akcyi spaleńnia Karana ŭ Šviecyi i patrabavała ich zabarony.
Raniej niejtralnaja Šviecyja paśla pačatku poŭnamaštabnaj vajny Rasii z Ukrainaj padała zajaŭku na ŭstupleńnie ŭ NATA razam ź Finlandyjaj, ale ŭ vyniku taja apiaredziła jaje amal na ceły hod, pakolki ŭ šviedaŭ uźnikli prablemy z uchvaleńniem jaje zajaŭki Turcyjaj i Vienhryjaj.
Ciapier Šviecyi, kali ŭ Turcyi nie ŭźniknie prablem z podpisam prezidenta Erdahana, zastałosia damahčysia ratyfikacyi tolki Vienhryi. Premjer-ministr hetaj krainy Viktar Orban siońnia abviaściŭ, što jon zaprašaje svajho šviedskaha kalehu na «pieramovy» pa hetym pytańni. MZS Šviecyi, adnak, zajaviŭ, što nijakaha pradmieta dla pieramovaŭ ź Vienhryjaj nasamreč niama.
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary