Cichanoŭskaja adkazała Łukašenku na słovy ab «troch niaščasnych dziaŭčynkach»
Kandydat u prezidenty Biełarusi ŭ adkaz na pramovu kiraŭnika dziaržavy nahadała, jak jana z paplečnicami była vymušana ŭstupić u kampaniju. Łukašenka raniej zajaviŭ, što jaho supiernica i jaje kamanda nie viedajuć, pra što havorać, piša RBK.
«Što vy robicie? Znajšli troch niaščasnych dziaŭčynak… Jany ž nie razumiejuć, što jany čytajuć. Što vy im pišacie: vypuścim palitykaŭ, ekanamistaŭ, narkamanaŭ i kryminalnikaŭ, praviadziom sumlennyja vybary i budziem žyć… Jany ž nie razumiejuć, što havorać i što robiać», — zajaviŭ Łukašenka.
«Ja nie hladzieła całkam jaho zvarot, ale hetyja słovy čuła. Pra jakija siły idzie havorka, skazać nie mahu, chto tam źbirajecca što destabilizavać… Ale pra toje, što try dziaŭčynki, nu nie schłusiŭ ža… Try bajavyja siabroŭki, try paplečnicy — tak atrymałasia, što daviałosia ŭstać zamiest svaich mužčyn», — prakamientavała RBK Śviatłana Cichanoŭskaja słovy Łukašenki.
Kamientary