Ad zakryćcia miažy z Polščaj vialikija straty niasie nie tolki Biełaruskaja čyhunka, ale i «Biełaruśkalij»
Z 12 vieraśnia 2025 hoda polskija ŭłady całkam zakryli miažu ź Biełaruśsiu. Heta rašeńnie było źviazana z bujnymi vajennymi vučeńniami «Zachad-2025» i mahčymymi pahrozami biaśpiecy Polščy. Pad zabaronu trapili i klučavyja čyhunačnyja pierachody, u tym liku brescki, što pryviało da faktyčnaha spynieńnia tranzitnaha ruchu pa maršrucie Kitaj — Jeŭropa praź biełaruskuju terytoryju. «Supolnaść čyhunačnikaŭ Biełarusi» aceńvaje straty, jakija pry hetym niasuć biełaruskija pradpryjemstvy.
Dla Biełaruskaj čyhunki takaja situacyja adrazu aznačała vialikija straty.
Kožny kantejnierny ciahnik pieravozić u siarednim kala 120—130 kantejnieraŭ, i choć biełaruski bok atrymlivaje tolki 10—15 % ad koštu pieravozki, ahulnyja niedaatrymanyja dachody mohuć dasiahnuć 40—50 miljonaŭ dalaraŭ užo da kanca vieraśnia.
Na čyhunačnych stancyjach Biełarusi sabrałasia niekalki dziasiatkaŭ sastavaŭ, jakija nie mohuć pierajści miažu. Častka ź ich aficyjna ličycca «kinutymi» ciahnikami, ale ciahniki, jakija stajać u Breście, u taki status jašče nie pieraviali, adpaviedna jany nie pieraviedzienyja ŭ zonu adstoju i tamu pavialičvajuć faktyčnuju nahruzku.
Dadatkovyja ciažkaści stvaraje ŭnutranaja situacyja na samoj Biełaruskaj čyhuncy. Z-za vialikich zapazyčanaściaŭ pierad «Biełnaftachimam» pastaŭki dyzielnaha paliva byli abmiežavanyja, i ŭžo niekalki tydniaŭ halina pracuje ŭ «režymie ekanomii». Heta ŭpłyvaje na ruch ciepłavozaŭ i ŭskładniaje ekspłuatacyjnuju dziejnaść u cełym.
Zakryćcio miažy zakranuła i intaresy hałoŭnaha biełaruskaha eksparciora — «Biełaruśkalija». Kampanija vykarystoŭvała pustyja kantejniery, što viartalisia ź Jeŭropy, kab adpraŭlać uhnajeńni ŭ Kitaj. Ciapier hety patok spyniŭsia, i ŭźnik deficyt tary.
U vyniku pradpryjemstva pavinna albo nabyvać kantejniery ŭ Rasii pa bolš vysokich cenach, albo skaračać ekspart. Heta robić pastaŭki mienš hnutkimi i pavialičvaje sabiekošt pradukcyi, što paharšaje pazicyi biełaruskaha kaliju na azijackim rynku, dzie ŭžo i tak isnuje mocnaja kankurencyja z boku Rasii i Kanady.
Choć na ŭzroŭni čutak nazyvajucca mahčymyja daty častkovaha adnaŭleńnia ruchu praz brescki pierachod ŭ kancy vieraśnia ( 26‑28 čysła), aficyjnaha paćviardžeńnia hetamu pakul niama. Kali ž błakada zaciahniecca, to prablema moža pieraraści z časovaj u sistemnuju: Biełaruś stracić častku tranzitnych kantraktaŭ, jakija pieraaryjentujucca na inšyja maršruty, a «Biełaruśkalij» budzie jašče macniej zaležać ad rasijskich partoŭ i infrastruktury.
Takim čynam, zakryćcio polskaj miažy stała ŭdaram adrazu pa dvuch važnych napramkach — tranzicie pamiž Kitajem i Jeŭropaj i biełaruskim eksparcie kalijnych uhnajeńniaŭ. A dla ekanomiki krainy heta aznačaje rost vydatkaŭ, stratu hnutkaści i jašče bolšuju zaležnaść ad Rasii.
Łahistyčnyja kampanii znajšli alternatyvu zakrytaj miažy pamiž Polščaj i Biełaruśsiu
Da čaho pryviadzie poŭnaje zakryćcio miažy z Polščaj
Biełaruś adčuvaje adkaz na zatrymańnie polskaha manacha — namieśnik kiraŭnika MZS Polščy
«Reč tut nie ŭ Biełarusi». Łukašenka nazvaŭ zakryćcio Polščaj miažy niedružalubnym palityčnym krokam suprać Kitaja
U Biełaruś z Hrecyi prybyła pradstaŭničaja kitajskaja delehacyja
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary
A jašče mahčymyja uskosnyja straty ŭ vyhladzie štrafaŭ za praterminoŭku pastavak uhnajeńniaŭ.
Byŭ by łuka bolš samastojny - uvioŭ by abmiežavańni pa pryznańni rasiejskich viz i pačyściŭ miažu chacia b. A tak, hetaj maryjanietkaj i nadalej buduć hulacca kremliny - z adpaviednymi prybytkami dla svaich syravinavych biźniesaŭ i stratami dla kišeni łuki.