«Reč tut nie ŭ Biełarusi». Łukašenka nazvaŭ zakryćcio Polščaj miažy niedružalubnym palityčnym krokam suprać Kitaja
Alaksandr Łukašenka nazvaŭ zakryćcio Polščaj miažy ź Biełaruśsiu niedružalubnym palityčnym krokam, skiravanym suprać Kitaja. Pra heta jon zajaviŭ 22 vieraśnia na sustrečy z členam Pastajannaha kamiteta Palitbiuro CK Kamunistyčnaj partyi Kitaja Li Si.
«Vielmi šmat u ŚMI apošnim časam, asabliva ŭ suviazi z vašym vizitam u Biełaruś, roznaha kštałtu insinuacyj z nahody ŭ tym liku našych adnosin z Polščaj i zakryćcia miažy pamiž Biełaruśsiu i Polščaj. Ja razumieju, što heta, chutčej za ŭsio, niedružalubny krok palakaŭ — palityčny, niejki, napeŭna, imidžavy, jak ličać palaki, suprać Kitajskaj Narodnaj Respubliki. Ale nikolki nie ekanamičny. Pakolki takaja impieryja, jak Kitaj, lohka spravicca z hetaj prablemaj. Ale tema hučyć», — skazaŭ Łukašenka.
Jon patłumačyŭ Li Si, što «reč tut nie ŭ Biełarusi», i paabiacaŭ raskazać niejkija insajdy na hety kont.
«Ja chacieŭ by z vami sam-nasam, kali vy nie suprać, paśla našaj sustrečy raskazać vam sioje-toje i padzialicca našymi dadzienymi na hetuju temu. Sprava tut nie ŭ Biełarusi. Nu a Polšča adyhryvaje rolu niejkaha kania-skakuna na karyść inšych dziaržaŭ», — dadaŭ jon.
Paśla sustrečy ŭ Kaminnaj zale Łukašenka zaprasiŭ vysokaha kitajskaha hościa ŭ kabiniet «abmierkavać pytańni, jakija nie padlahajuć ahałoscy», piša jaho pres-słužba.
Li Si — adzin ź siami najbolš vysokapastaŭlenych kiraŭnikoŭ Kitaja. Uznačalvaje Centralnuju kamisiju Kamunistyčnaj partyi Kitaja pa praviercy dyscypliny (CCDI) — hałoŭny antykarupcyjny i kantrolny orhan KPK. Uvachodzić u Pastajanny kamitet Palitbiuro CK KPK — najvyšejšy orhan palityčnaj ułady ŭ Kitai.
U vieraśni 2025 hoda Li Si naviedaŭ Jeŭropu — u Hrecyi jon sustreŭsia z kiraŭnictvam krainy. 21 vieraśnia jon prybyŭ u Minsk. Analityki źviazvajuć jaho pryjezd z prablemami kitajskaha tranzitu praź Biełaruś i Polšču.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
Prablema nastolki ŭ Polščy, što cełaja delehacyja KNR pajechała nie da Naŭrockaha, a prosta da "mahutnaha lidara", pierabłytaŭšaha bierahi.