Ci ŭklučacca vyzvalenyja palitviaźni ŭ vybary ŭ Kaardynacyjnuju radu? Entuzijazmu pakul nie vidać
Dniami Kaardynacyjnaja rada pryniała Pałažeńnie ab čarhovych vybarach. Vybarčaja kampanija adbudziecca ŭ situacyi, kali za miežami Biełarusi apynulisia dziasiatki niadaŭna vyzvalenych palitviaźniaŭ. My spytali ŭ niekatorych ź ich, ci bačać jany siabie ŭdzielnikami vybaraŭ — u jakaści kandydataŭ abo praz padtrymku inšych.
«Pakul biez aktyŭnych krokaŭ»
Fiłosaf Uładzimir Mackievič, jaki pravioŭ u źniavoleńni bolš za čatyry hady, kaža, što vyłučacca nie płanuje:
«Vyłučacca nie płanavaŭ, nie chaču śpiašacca aktyŭničać, pakul abmiažujusia kropkavymi dziejańniami. Ale los moža niešta padkinuć niečakanaje, i ja mušu adreahavać».
«Pakul vyznačyŭsia tolki z tym, kaho ja adnaznačna budu padtrymlivać na vybarach u KR. Čym zmahu», — kaža jon, ale ad kankretyki admaŭlajecca.
«Jość prapanovy, ale rašeńnia niama»
Palityk Pavieł Sieviaryniec raskazaŭ «Našaj Nivie», što da jaho ŭžo źviartajucca z prapanovami paŭdzielničać u kampanii: «Jość prapanovy, ale pakul nie pryniaŭ rašeńnia».
«Nie baču sensu»
Niekatoryja byłyja palitviaźni majuć bolš adnaznačny adkaz: udzielničać u vybarach jany nie buduć ni ŭ jakim farmacie.
Tak, davoli krytyčna na hety kont vykazaŭsia kaardynatar ruchu «Jeŭrapiejskaja Biełaruś» Jaŭhien Afnahiel:
«Nie źbirajusia, bo nie baču sensu. Kaardynacyjnaja rada nijak nie ŭpłyvaje na situacyju ŭ Biełarusi i nie cikavaja navat dla biełarusaŭ u emihracyi z ulikam kolkaści udzielnikaŭ papiarednich vybaraŭ», — adznačyŭ jon.
Błohierka i byłaja palitźniavolenaja Volha Takarčuk vyklučaje dla siabie ŭdzieł u vybarach:
«Nie, ja nie budu ni bałatavacca, ni dałučacca da kahości».
Byłaja dacentka Minskaha dziaržaŭnaha linhvistyčnaha ŭniviersiteta Natalla Dulina taksama nie źbirajecca niejkim čynam dałučycca da vybarčaj kampanii.
«Ja nie palityk i nie ekśpiertka», — koratka rastłumačyła byłaja palitźniavolenaja.
Vybary ŭ Kaardynacyjnuju radu 4‑ha sklikańnia projduć z 11 da 17 maja 2026 hoda.
Papiarednija vybary ŭ Kaardynacyjnuju radu adbylisia ŭ mai 2024 hoda. Tady ŭ hałasavańni ŭdzielničali 6723 čałavieki. Hetaja ličba stała pradmietam vialikich sprečak: šerah ekśpiertaŭ i hramadskich dziejačoŭ nazvali heta parazaj i katastrofaj dla demakratyčnaj apazicyi. Inšyja śćviardžali, što va ŭmovach lutaha cisku nierealna čakać, kab u palityčnym zmahańni ŭdzielničała bolš ludziej, što prosta nie para hučna i publična budavać bačnyja struktury, a čas cicha množyć niahučnyja, niepubličnyja spravy.
Bolšaść hałasoŭ (2358) u toj raz atrymaŭ abjadnany śpis Paŭła Łatuški i Ruchu «Za svabodu». Druhimi pa kolkaści padtrymki byli Prakopjeŭ i Jahoraŭ (1050 hałasoŭ), treciaje miesca zaniali «Niezaležnyja biełarusy» z 616 hałasami.
-
Kaleśnikava: Vajna, jakuju pačała Rasija, nie prosta suprać Ukrainy. Heta vajna suprać jeŭrapiejskich kaštoŭnaściaŭ
-
Što ciapier ź italjanskimi vizami? Masavyja admovy? Turfirmy nazyvajuć alternatyvu
-
Niamiecki deputat z prarasijskaj partyi pryviazie ŭ Biełaruś pradstaŭnikoŭ «Alternatyvy dla Hiermanii»
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu3
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary