«Daviałosia syr na kasie pakinuć». Jak biełarusy reahujuć na nou-chau z padvojnaj markiroŭkaj tavaraŭ
Z 1 lipienia ŭ biełaruskich kramach pačała dziejničać novaja sistema markiroŭki tavaraŭ: ciapier niekatoryja pradukty pavinny mieć nie tolki zvyčajny štrych-kod, ale i dadatkovy — DataMatrix (QR-kod), jaki ŭtrymlivaje poŭnuju infarmacyju pra tavar — ad vytvorcy da daty vypusku. Uviadzieńnie hetaj sistemy vyklikała sapraŭdnaje zamiašańnie siarod pakupnikoŭ i rabotnikaŭ handlu, piša BG.Media.
Na praktycy novaŭviadzieńnie pryviało da vialikich čerhaŭ, zbojaŭ u pracy kas i prablem na kasach samaabsłuhoŭvańnia. Ludzi skardziacca, što nie mohuć adskanavać tavary, niekatoryja prosta pakidajuć ich na kasie i sychodziać.
U sacsietkach ludzi aktyŭna abmiarkoŭvajuć situacyju: adnyja ź ironijaj, inšyja z adkrytym abureńniem. Asabliva ciažka pradaŭcam — mienavita jany pieršyja sutykajucca ź niezadavolenaściu pakupnikoŭ i składanaściami z pošukam patrebnaha koda.
Adzin z kupcoŭ napisaŭ, što byŭ vymušany pakinuć syr na kasie, bo niemahčyma było adskanavać kod. Inšyja kažuć, što ŭ mahazinach ciapier sapraŭdny «kviest» — treba spačatku znajści adzin kod, a kali jon nie pracuje — šukać druhi, treci… I ŭsio heta ŭ čerhach, pad ciskam razdražnionych ludziej.
Pradaŭcy raskazvajuć, što navučylisia pracavać z adnym kodam — ciapier znoŭ treba vučycca, ale ŭžo z QR-kodam. Adznačajuć, što sama sistema syraja, pracuje ź pierabojami i tolki stvaraje dadatkovuju nahruzku.
Tym nie mienš, jość i tyja, chto stavicca da źmianieńniaŭ z razumieńniem i adznačaje, što novaŭviadzieńnie maje i peŭnyja plusy — naprykład, prazrystaść pachodžańnia pradukcyi. Ale pakul stanoŭčych vodhukaŭ značna mienš, čym admoŭnych.
U vyniku zamiest abiacanaj zručnaści i kantrolu biełarusy sutyknulisia ź niedapracavanaj sistemaj i strataj času. Pakupki pieratvarylisia ŭ vyprabavańnie na ciarpieńnie, i, zdajecca, da «ery padvojnaj markiroŭki» spatrebicca jašče doŭha pryvykać.
Kamientary
Jeŝio siehodnia pisali, čto pod napłyvom ujezžajuŝich iz Minska na bolšije vychodnyje na ŽD vokzale kassy upali i ludi nie mohut onłajn kupiť bilety, čto prichoditsia jechať za biletom na vokzał i stojať v dlinnych i dołhich očieriediach.
Hdie žie oni mohut normalno sdiełať, kohda vsie babki uchodiat na boŕbu s inakomyślijem. U Biełarusi druhije prioritiety.