U 10 haradach Hrodzienskaj vobłaści ciapier možna raspłacicca ahulnaj kartaj «Busieł»
Z 22 studzienia «Hrodnaabłaŭtatrans» zapuskaje novuju sistemu apłaty prajezdu ŭ 10 haradach Hrodzienskaj vobłaści: Lida, Słonim, Vaŭkavysk, Smarhoń, Navahrudak, Ašmiany, Ščučyn, Astraviec, Masty, Skidziel, paviedamlaje «Hrodzienskaja praŭda».
Dla apłaty prajezdu ŭ haradskich aŭtobusach dastatkova prosta prykłaści transpartnuju kartu «Busieł» da validatara.
Pierad pačatkam pajezdki kiroŭca aktyvuje sistemu, prykłaŭšy da validatara svaju śpiecyjalnuju kartu. Dalej pry ŭvachodzie ŭ aŭtobus pasažyr padnosić transpartnuju kartu «Busieł» da validatara — pryłada mienš čym za 1 siekundu zafiksuje apłatu i adlustruje adzin z nastupnych ekranaŭ:
-
Zialony — apieracyja paśpiachovaja, z karty śpisvajecca košt bileta na adnu pajezdku;
-
Čyrvony — pamyłka abo niaŭdałaja sproba. Mahčyma, na karcie «Busieł» skončylisia zapisanyja pajezdki abo jana paškodžanaja;
-
Žoŭty — prajezd užo apłačany. Pa transpartnaj karcie «Busieł» dapuskajecca apłata prajezdu tolki za adnaho pasažyra. Pry sprobie apłacić prajezd za niekalkich čałaviek apieracyja budzie aŭtamatyčna adchilena sistemaj.
Kantralor padčas pravierki apłaty prajezdu pieraviadzie validatary ŭ režym kantrolu, što pryviadzie da ich błakiroŭki. Pasažyru nieabchodna pradjavić kantraloru svaju kartu, prykłaŭšy jaje da śpiecyjalnaj mabilnaj pryłady z ustalavanaj prahramaj.
Infarmacyju pra kolkaść astatnich pajezdak možna budzie daviedacca, prykłaŭšy transpartnuju kartu «Busieł» da validatara.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary