Łahistyčnyja kampanii znajšli alternatyvu zakrytaj miažy pamiž Polščaj i Biełaruśsiu
Zakryćcio polska-biełaruskaj miažy zapatrabavała ad łahistyčnych kampanij chutkaj pierastrojki maršrutaŭ. Niekatoryja kampanii časova stali vykarystoŭvać schiemu, źviazanuju ź pieravozkaj zahružanych pryčepaŭ na čyhunačnych placoŭkach, raspaviali Most u adnoj z kampanij-pieravozčykaŭ.
Taksama takuju schiemu abmiarkoŭvajuć i ŭ Facebook-hrupach transpartnikaŭ.
— Pa maršrucie ruchu ciahnika jość hruzavyja terminały. Da takoha terminała — u Koŭnie, Łodzi, Dujsburhu — padjaždžaje zahružanaja mašyna z pryčepam. Adčaplaje pryčep, jon hruzicca na śpiecyjalny vahon — i tavar pajechaŭ na Uschod. Čyhunačnaja miaža Litva — Biełaruś adkryta i pracuje, — raspaviała krynica ŭ transpartna-łahistyčnaj kampanii.
Taki šlach vykarystoŭvajuć pieradusim kampanii i hruzaadpraŭniki, dla jakich važna zekanomić čas. Z-za zakryćcia polska-biełaruskaj miažy čerhi fur na inšych miažach ES ź Biełaruśsiu i Rasijaj vyraśli.
— U čyhunačnaj placoŭki niama režymu pracy i adpačynku vadziciela, niama čarhi na miažy, — tłumačyć surazmoŭca.
Taki šlach dazvalaje časova źmianić łahistyku tolki dla častki maršrutu, a zatym znoŭ pryciahnuć pryčep da ciahača. Akramia taho, jon pazbaŭlaje ad składanych arhanizacyjnych vydatkaŭ, źviazanych z kantejniernymi pieravozkami: nie ŭsiudy jość kantejnierny terminał, dy i arenda kantejniera patrabuje hrošaj.
Surazmoŭca nie čuŭ, kab taki niezvyčajny šlach aktyŭna vykarystoŭvali raniej. Ale ciapier jon nabyvaje papularnaść.
Mścisłaŭ Miekta: jašče adzin recydyvist rviecca va ŭładu, prykinuŭšysia śpiecnazaŭcam-jabaćkam15
Kamientary
Hetyja płatformy budujucca pad admysłovyja łahistyčnyja prajekty i dziela šmathadovaj stabilnaj pracy.