Dziaržaŭnaje vydańnie: «Minsk choča źnižeńnia hradusa kanfliktu z Polščaj», «bo ŭ narmalizacyi tranzitu zacikaŭlenaja KNR»
U dziaržaŭnym vydańni «Minskaja praŭda» uviečary 23 vieraśnia vyjšaŭ artykuł prapahandysta Andreja Łazutkina, pryśviečany chutkamu adkryćciu Polščaj zakrytaj z 12 vieraśnia miažy ź Biełaruśsiu. Jon razhladaje heta rašeńnie praz pryzmu spravy palitviaźnia Andreja Pačobuta, u jakoj siońnia taksama źjavilisia novyja štrychi.
Łazutkin zhadvaje pra rolu Andreja Pačobuta ŭ apazicyjnym uładam Sajuzie palakaŭ Biełarusi i adnaznačna traktuje siońniašniuju sustreču z dazvołu Łukašenki kiraŭnicy SPB Anžaliki Borys z Pačobutam u Navapołackaj kałonii jak nie prosta supadzieńnie, a źviony adnaho łancuha z rašeńniem polskich uładaŭ ab adkryćci z 25 vieraśnia dziaržaŭnaj miažy.
«Možna mierkavać, što na fonie mahčymaha adkryćcia miažy Minsk stvaraje stanoŭčy fon sa svajho boku. U vypadku «spravy Pačobuta» abodva baki pavinny zachavać tvar i raźviazać sprečku tak, kab vyzvaleńnie Pačobuta (kali jano budzie) nie vyhladała jak vynik cisku i adnabakovaj polskaj «pieramohi». Tamu što ŭ narmalizacyi tranzitu zacikaŭlenaja KNR, i Biełaruś pakazvaje, u tym liku Kitaju, što hatovaja vykanać svaju častku ŭhody z Polščaj, kali taja vykanaje svaju, admovicca ad padryŭnoj dziejnaści praz Sajuz palakaŭ i puścić tranzit.
U cełym ža Minsk choča źnižeńnia hradusa kanfliktu z Polščaj, tamu vyrašeńnie spravy Pačobuta pavinna adbyvacca ŭ kompleksie ź inšymi mierapryjemstvami pa narmalizacyi polska-biełaruskich adnosin. Pakul što možna skazać, što našy adnosiny znachodziacca ŭ samym nizkim punkcie», — piša Łazutkin.
Praŭda, hetaja kanstatacyja supravadžajecca razhornutymi prapahandysckimi insinuacyjami.
Anžalicy Borys dazvolili naviedać Andžeja Pačobuta ŭ navapołackaj kałonii
Polšča adkryvaje miažu ź Biełaruśsiu
Polskaje vydańnie nazvała Cierciela architektaram śpiecapieracyi, jakaja razhortvajecca paralelna z vučeńniami «Zachad»
MZS Polščy: My spadziajomsia, što ŭ nastupnaj hrupie vyzvalenych palitźniavolenych budzie Andžej Pačobut
Cisk Polščy daŭ vynik: na svabodu masava vyjšli žurnalisty «Biełsata». Ale pakul nie Pačobut
Kamientary