Rekłamny banier z Alaksandram Hlebam paviesili na tym skryžavańni ŭ Minsku, dzie jon staŭ udzielnikam śmiarotnaj avaryi
Dvaccać hadoŭ tamu Alaksandr Hleb trapiŭ u avaryju na skryžavańni minskich vulic Jakuba Kołasa i Surhanava. Futbalist tady amal nie paciarpieŭ, a voś pasažyr ź inšaha aŭto zahinuŭ. Situacyja była nieadnaznačnaja — spačatku vinavatym nazyvali Hleba, ale ŭ vyniku kałoniju prysudzili kiroŭcu druhoj mašyny. Ciapier pobač ź miescam avaryi visić vializnaje fota Hleba — jon rekłamuje rasijskuju bukmiekierskuju kantoru.
Nahadajem: u noč na 29 śniežnia 2004 hoda Alaksandr Hleb — na toj momant hulec niamieckaha «Štutharta» i samy pierśpiektyŭny futbalist Biełarusi — trapiŭ u Minsku ŭ žudasnuju avaryju. Pasiarod nočy, kali śviatłafory byli ŭžo adklučanyja, jaho «Aŭdzi» pavaročvała naleva na skryžavańni vulic Surhanava i Jakuba Kołasa i nie sastupiła darohu BMW, jaki lacieŭ nasustrač. BMW litaralna razmazała ab lichtarny słup.
U vyniku Alaksandr Hleb paciarpieŭ mienš za ŭsich — užo praz dva dni jon hulaŭ u futboł. Kiroŭca BMW trapiŭ u balnicu, ale abyšoŭsia pierałomam ściahna. A voś pasažyr z hetaj mašyny zahinuŭ.
U tyja časy DAI pry padobnych avaryjach ličyła vinavatym taho, chto pavaročvaje naleva i nie prapuskaje sustrečny transpart. Mnohija mierkavali, što pakarańnie pavinien atrymać Hleb, ale jaho kiejs staŭ precedentam, paśla čaho DAI i sudy stali traktavać usie takija situacyi inačaj.
Hleb byŭ ćviarozy i nie pieravyšaŭ chutkaść, a voś sustrečny aŭtamabil jechaŭ ź vidavočnym pieravyšeńniem — nazyvalisia ličby 99 km/h i 136 km/h zamiest dazvolenych 60 km/h. Hleb nie moh jaho ŭbačyć za ŭzhorkam — a značyć, vinavaty nie jon.
Kiroŭca BMW Juryj Alšeŭski ŭ vyniku atrymaŭ 4 hady kałonii z adterminoŭkaj na 3 hady. Aproč taho, jon byŭ pavinien zapłacić kampiensacyju paciarpiełym.
Ironija losu, ale praz dvaccać hadoŭ mienavita nasuprać miesca śmiarotnaj avaryi na žyłym domie paviesili vielizarnuju raściažku rasijskaj bukmiekierskaj kantory Fonbet z tvaram Hleba. Na banery jon ščaśliva paśmichajecca razam ź inšym futbalistam, Siarhiejem Karnilenkam.
Hleb staŭ ambasadaram Fonbet sioleta ŭ studzieni. «Papularyzacyja sportu — naša hałoŭnaja sumiesnaja meta. Abjadnaŭšy namahańni, my zmožam realizavać mnostva cikavych prajektaŭ i paradavać balelščykaŭ futboła», — kazaŭ jon.
Chto taja Alina, ź jakoj Łukašenka tancavaŭ hetym razam na navahodnim bali18
Kamientary
Otmazali 'pierśpiektivnoho" futbolista!! Pro kotoroho ja nie słyšał ni razu. Vot Mieśsi znaju.
Skazať možno, čto uhodno, čto i skorosť prievyšał, ničieho ž dokazať nielzia tohda było.