Fiaduta chodzić z kijočkam i z supravadžeńniem, jaho časta vyvoziać u Respublikanski turemny špital — serca
Pra toje, jak pierasiakaŭsia z asudžanym na 10 hadoŭ palitołaham i litaraturaznaŭcam raskazaŭ u intervju sajtu Biełaruskaj asacyjacyi žurnalistaŭ Viačasłaŭ Łazaraŭ.
— Bačylisia ź Fiadutam, razmaŭlali. Chacia ŭsich papiaredzili, što da jaho lepš nie padychodzić, tamu što adrazu adpraviać u ŠIZA.
Jon vielmi mocna schudnieŭ. Chodzić z kijočkam, čaściej za ŭsio chodzić z supravadžeńniem, bo samomu pierasoŭvacca ciažka. Asnoŭnaja prablema Fiaduty — serca. Jaho časta vyvoziać u Respublikanski turemny špital, apošni raz, zdajecca, niekalki miesiacaŭ tamu vazili.
Ale trymajecca, žartuje, ź im cikava pahavaryć na lubyja temy.
Za stasunki ź Fiadutam kidajuć u štrafny izalatar, raniej na 10 sutak, zaraz na 15. Nie tak daŭno pryjšoŭ novy načalnik kałonii, ale pa sutnaści ničoha nie źmianiłasia.
Alaksandra Fiadutu zatrymali ŭ krasaviku 2021 hoda i ŭ vieraśni 2022 hoda asudzili na 10 hadoŭ źniavoleńnia pa abvinavačvańni ŭ zmovie z metaj dziaržpieravarotu. Razam ź im byli zatrymanyja i asudžanyja Juraś Ziankovič i Ryhor Kastusioŭ, jakija ŭžo vyjšli z kałonii pa pamiłavańni.
Ciapier čytajuć
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie4
Kamientary