Cichanoŭskaja: Ja vielmi radaja, što pasažyrskaje złučeńnie pamiž Biełaruśsiu i Polščaj adnovicca
Biełaruskaja demakratyčnaja lidarka Śviatłana Cichanoŭskaja paśla atrymańnia infarmacyi pra rašeńnie ŭrada Polščy ab adkryćci zakrytaj z 12 vieraśnia polska-biełaruskaj miažy vystupiła z zajavaj, u jakoj całkam jaho padtrymała.
«Ja vielmi radaja, što pasažyrskaje złučeńnie pamiž Biełaruśsiu i Polščaj adnovicca. Volnaje pieramiaščeńnie biełarusaŭ praź miažu maje žyćciovaje značeńnie, bo heta mahčymaść abdymać blizkich, vučycca, pracavać — bačyć svabodnuju Jeŭropu na ŭłasnyja vočy.
My ŭdziačnyja polskamu boku, ź jakim Ofis zastavaŭsia ŭ ščylnym kantakcie apošnija tydni. Zrazumieła, što Polšča vymušanaja dziejničać va ŭmovach pravakacyj z boku režymu Łukašenki. I ŭ vyniku hetych dziejańniaŭ najbolš pakutujuć biełarusy», — zajaviła Cichanoŭskaja, adznačyŭšy ŭ vyrašeńni prablemy taksama kanstruktyŭnuju rolu Kitaja.
«Ekanamičny cisk i kantrol za rucham tavaraŭ — heta toje, što prymušaje Łukašenku iści na sastupki», — padkreśliła Cichanoŭskaja.
Ciapier čytajuć
Ź psichbalnicy źbieh były načalnik Hancavickaj milicyi13
Ź psichbalnicy źbieh były načalnik Hancavickaj milicyi
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
Žałko, čto po druhim voprosam tak nie proischodit. "poślednieje trampovskoje" čto-to zastriało.