Ministr unutranych spraŭ Polščy padpisaŭ rasparadžeńnie ab adkryćci miažy
Ministr unutranych spraŭ i administracyi Polščy Marcin Kierviński padpisaŭ rasparadžeńnie ab adnaŭleńni ruchu praź miažu ź Biełaruśsiu. Jano pačnie dziejničać u noč z 24 na 25 vieraśnia 2025 hoda.
Fota ilustracyjnaje
Ruch adnoviać jak na aŭtamabilnych, tak i na čyhunačnych pierachodach, jakija byli zakrytyja z 12 vieraśnia praz rasijska-biełaruskija vučeńni «Zachad-2025». Paśla ich zaviaršeńnia ŭzrovień pahrozy dla Polščy źmienšyŭsia, tamu ŭłady vyrašyli źniać abmiežavańni.
Adkryjucca:
- dla lehkavych aŭto — pierachod «Terespal —— Brest»;
- dla hruzavych — «Kukuryki —— Kazłovičy»;
- dla čyhunačnaha tavarnaha ruchu — «Kuźnica Biełastockaja — Hrodna», «Siemianoŭka — Śvisłač», «Terespal — Brest».
Premjer Donald Tusk raniej padkreśliŭ, što ŭ vypadku rostu napružanaści na ŭschodniaj miažy ŭrad znoŭ hatovy chutka jaje zakryć.
Kamientary