Biełarus u ZŠA staŭ rabom biez dakumientaŭ i šukaje sposab viarnucca dadomu
Biełarus pracavaŭ dalnabojščykam u Amierycy, ale pracadaŭca adabraŭ jaho pašpart i nie płaciŭ zarobak. Paśla traŭmy mužčyna zastaŭsia zusim ni z čym. Ciapier jon žyvie ŭ Dałasie i maryć viarnucca dadomu ŭ Biełaruś.
Historyju raskazali vałanciory z «Alternatyvy». Da ich źviarnułasia žančyna, jakaja vyrašyła dapamahčy svajmu znajomamu.
Michaił (imia źmieniena), hramadzianin Biełarusi, šmat hadoŭ tamu jon pierajechaŭ u Amieryku. Mužčyna pracavaŭ dalnabojščykam u Chjustanie.
Pieršy čas usio było niadrenna, ale paźniej u Michaiła ŭźnikli finansavyja prablemy. Kiraŭnik kampanii paabiacaŭ dapamahčy z vypłatami i pad hetaj padstavaj zabraŭ u jaho dakumienty. Michaił pavieryŭ i praciahvaŭ pracavać. Častku zarobku jamu vypłačvali, a astatniaje nibyta išło na apłatu doŭhu.
Paźniej zdaryłasia avaryja, a potym vytvorčaja traŭma, jakaja pryviała da surjoznaha apioku cieła. Paśla hetaha Michaił i zusim byŭ vymušany žyć pry ofisie biez zarobku. Jon pracavaŭ za ježu i cyharety, jamu navat zabaraniali znosiny pa telefonie.
Michaił pracavaŭ i miechanikam, i vadzicielem, i pamočnikam, uvohule, vykonvaŭ usie raboty. Hady išli, a dakumienty jamu tak i nie addali. Nijakaj dapamohi ŭ vyrašeńni finansavych pytańniaŭ, jak paźniej vyśvietliłasia, taksama nie było, «haspadar» prosta prysvojvaŭ hrošy. U kastryčniku minułaha hoda jany znachodzilisia ŭ Dałasie, zajmalisia budaŭnictvam. Jak padzialiłasia znajomaja biełarusa, «Michaił sprabavaŭ usio vyrašyć, damovicca, ale ničoha nie atrymlivałasia. Jon staŭ nikim, rabom».
Adnak u tym ža kastryčniku mužčynu ŭdałosia vyklikać palicyju, Michaił zmoh syści ad «haspadara» litaralna ŭ čym byŭ. Paśla incydentu supracoŭniki palicyi skazali, što bolš ničym dapamahčy nie mohuć.
Dalej jon sprabavaŭ kudyści ŭładkavacca i znajšoŭ siamju, jakaja adhuknułasia jamu dapamahčy. Nu jak dapamahčy — spačatku jon pracavaŭ za ježu i načleh u šynamantažy, a ciapier za toje ž samaje dapamahaje pa haspadarcy na ŭskrainie Dałasa.
Mužčyna ŭžo va ŭzroście i vielmi choča viarnucca dadomu ŭ Biełaruś, dzie ŭ jaho jość dom. Ale ni dakumientaŭ, ni srodkaŭ na viartańnie ŭ jaho niama. A zvaroty ŭ palicyju pryvodziać tolki da adnaho — tam razvodziać rukami, što jamu rabić nie viedajuć.
Vałanciory prosiać usich, chto moža dapamahčy biełarusu, u tym liku tych, chto žyvie ŭ Dałasie, pradstaŭnikoŭ hramadskich arhanizacyj i pasolstvaŭ Biełarusi, paspryjać viartańniu Michaiła.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary