«Tamu biez usialakaj kryŭdy». Łukašenka daručyŭ Hałoŭčanku sačyć za pracaju Turčyna
Alaksandr Łukašenka daručyŭ sfarmiravać u Nacbanku novuju hrupu, jakaja budzie analizavać situacyju ŭ ekanomicy i dakładvać jamu pra vyniki. Heta praca budzie iści paralelna z padobnaj pracaj Dziaržkantrolu.
Na sustrečy z premjeram Alaksandram Turčynym Łukašenka raspavioŭ jamu, što ciapier ekanamičnuju pracu ŭrada budzie kantralavać admysłovaja kamisija Nacbanka na čale z Ramanam Hałoŭčankam. Pra heta jon papiaredziŭ Turčyna, kab nie było «kryŭdy».
«Ja chaču, kab vy viedali, kab nie było tut nijakaj reŭnaści. Ja paprasiŭ byłoha premjera (byłych ža nie byvaje — małady ž čałaviek, adukavany, vopytny), kab jon stvaryŭ hrupu ŭ siabie ŭ Nacyjanalnym banku. A takija ludzi jość, razumnyja, daśviedčanyja ŭ Nacyjanalnym banku. Jon vyznačycca. I kab jany dapamahali paralelna z Kamitetam dziaržkantrolu (tamu što nie zusim funkcyi Kamiteta dziaržkantrolu), kab jany mianie infarmavali, analizavali situacyju ŭ ekanomicy. A pa hrošach ža bačna ŭsio — ty ž ekanamist, razumieješ. Tamu biez usialakaj kryŭdy, voś ja Hałoŭčanku paprasiŭ: sfarmuj mnie takuju hrupu ŭ Nacyjanalnym banku. Ty jaje kiraŭnik. I abjektyŭna mnie pavinien analizavać i dakładvać. Bo majo ŭražańnie — heta adno, a to — śpiecyjalisty», — skazaŭ Łukašenka.
Turčyn sa zhodaju pakivaŭ hałavoj.
-
Biełarusy, jakim nie ŭdałosia atrymać adukacyjnyja dakumienty na radzimie, mohuć pastupać u polskija VNU pa śpiecyjalnaj pracedury
-
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
-
Karajeŭ užo nabraŭ na Hrodzienščynie pieršy ŭzvod niadbajnych ahraryjaŭ
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary
A, v etom, hołovčienko, dokazał svoi umienija, nie zria jeho pieriesadili na finpotoki Biełarusi.