Aeraporty Danii i Narviehii prypyniali pracu praz źjaŭleńnie vialikich dronaŭ
Uviečary 22 vieraśnia pavietranaja prastora nad stalicami Danii i Narviehii była parušana nieviadomymi bieśpiłotnikami, što pryviało da poŭnaha zakryćcia aeraportaŭ u Kapienhahienie i Osła.
Ad dvuch da čatyroch «vialikich dronaŭ» byli zaŭvažanyja nad aeraportam Kapienhahiena, a paśla pablizu ad jaho, paviedamlajuć dackija ŚMI sa spasyłkaj na palicyju. Heta zmusiła dyśpietčaraŭ aeraporta spynić pryjom samalotaŭ.
Ludzi čakali vyletaŭ (na fota z sacyjalnych sietak), a na pryjom pavietranyja sudny nakiroŭvaŭvali ŭ inšyja aeraporty Danii.
Palicyja pracuje nad identyfikacyjaj dronaŭ, idzie rasśledavańnie.
Amal adnačasova dron byŭ zafiksavany i nad vajskovym abjektam u Osła, stalicy Narviehii. U suviazi z hetym zatrymanyja dva hramadzianiny Sinhapura.
A kala 23:30, niekalki dronaŭ byli zafiksavany i nad aeraportam Osła Hardermuen. Spačatku ŭvieś ruch transpartu byŭ pieranakiravany na adnu ŭźlotna-pasadačnuju pałasu. Adnak, praz hadzinu paśla paŭtornaha źjaŭleńnia bieśpiłotnika, aeraport byŭ poŭnaściu začynieny.
«Pavietranaja prastora nad aeraportam Osła zakryta z-za novaha vyjaŭleńnia drona», — paviedamiŭ pradstaŭnik aeraporta.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam17
Kamientary
Jevropa vyrastiło 3 pokolenija pacifistov, ot kotorych zavisiat riejtinhi politikov, niesposobnych i niežiełajuŝich zaŝiŝať svoi strany s oružijem v rukach.
Pora posyłať dielehacii na pokłon k rośsijskomu Cariu v Kriemle.