Eks-deputatka Maryja Vasilevič i Alena Kazak, asabistaja doktarka-aniestezijołah Łukašenki, stvaryli firmu «Amalem» i stali pastaŭlać abstalavańnie dla bjuci-sałonaŭ i miedycynskich klinik. Ich kampanija pradstaŭlaje suśvietnych vytvorcaŭ techniki dla kaśmietałohii i estetyčnaj miedycyny, a ŭłasny sałon Kazak užo rychtujecca vykarystoŭvać adzin z hetych «aparataŭ maładości», piša «Biuro».
Eks-deputatka Maryja Vasilevič i asabistaja doktarka-aniestezijołah Łukašenki Alena Kazak stvaryli kampaniju «Amalem». Pavodle źviestak z sajta firmy, jana źjaŭlajecca aficyjnym pradstaŭnikom niekalkich viadučych vytvorcaŭ miedycynskaha abstalavańnia z Rasii, Paŭdniovaj Karei i Ispanii. Pradpryjemstva pastaŭlaje techniku dla kaśmietałohii, dermatałohii, estetyčnaj miedycyny i hiniekałohii, a taksama prapanoŭvaje navučańnie piersanału.
Kazak užo maje dośvied u hetaj śfiery: u 2024 hodzie jana stała ŭładalnicaj Antiage Clinic, jaki prapanuje kaśmietałahičnyja pracedury. U sałonie chutka źjavicca aparat Estetica LightCare Pro — taki ž samy «devajs maładości» žančyna razam z Vasilevič pradaje praz «Amalem».
Ambasadarkaj Antiage Clinic stała Natalla Sadoŭskaja, kiraŭnica asacyjacyi restarataraŭ Biełarusi i spadkajemnica chołdynha Golden Project. Jana ž u 2020 hodzie prysutničała na tajemnaj inaŭhuracyi Łukašenki.
Raniej Antiage Slinic nazyvałasia «Ajrys», i joj vałodali asabistaja doktarka Łukašenki — Śviatłana Kanašenka, jaje siastra Natalla Kizik i chakieist Pavieł Bieły.
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha44
Kamientary