Экс-дэпутатка Марыя Васілевіч і Алена Казак, асабістая доктарка-анестэзіёлаг Лукашэнкі, стварылі фірму «Амалем» і сталі пастаўляць абсталяванне для б’юці-салонаў і медыцынскіх клінік. Іх кампанія прадстаўляе сусветных вытворцаў тэхнікі для касметалогіі і эстэтычнай медыцыны, а ўласны салон Казак ужо рыхтуецца выкарыстоўваць адзін з гэтых «апаратаў маладосці», піша «Бюро».
Экс-дэпутатка Марыя Васілевіч і асабістая доктарка-анестэзіёлаг Лукашэнкі Алена Казак стварылі кампанію «Амалем». Паводле звестак з сайта фірмы, яна з’яўляецца афіцыйным прадстаўніком некалькіх вядучых вытворцаў медыцынскага абсталявання з Расіі, Паўднёвай Карэі і Іспаніі. Прадпрыемства пастаўляе тэхніку для касметалогіі, дэрматалогіі, эстэтычнай медыцыны і гінекалогіі, а таксама прапаноўвае навучанне персаналу.
Казак ужо мае досвед у гэтай сферы: у 2024 годзе яна стала ўладальніцай Antiage Clinic, які прапануе касметалагічныя працэдуры. У салоне хутка з’явіцца апарат Estetica LightCare Pro — такі ж самы «дэвайс маладосці» жанчына разам з Васілевіч прадае праз «Амалем».
Амбасадаркай Antiage Clinic стала Наталля Садоўская, кіраўніца асацыяцыі рэстаратараў Беларусі і спадкаемніца холдынга Golden Project. Яна ж у 2020 годзе прысутнічала на таемнай інаўгурацыі Лукашэнкі.
Раней Antiage Сlinic называлася «Айрыс», і ёй валодалі асабістая доктарка Лукашэнкі — Святлана Канашэнка, яе сястра Наталля Кізік і хакеіст Павел Белы.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары