Rasijski čynoŭnik uciok z-pad kanvoju ŭ sudzie i schavaŭsia ŭ konsulstvie Armienii. Historyja skončyłasia trahična
Eks-čynoŭniku Rasrejestru Barysu Avakianu pieciarburhski sud pavinien byŭ učora abrać mieru strymańnia. Mužčyna paprasiŭ kanvairaŭ vyjści pakuryć i źbieh. Jak hramadzianin Armienii jon schavaŭsia ŭ konsulstvie Armienii ŭ Pieciarburhu. Tudy palicyja nie moža trapić.
43‑hadovy Avakian byŭ adnym ź fihurantaŭ spravy ab uchileńni ad vypłaty mytnych zboraŭ na sumu bolš za 4,2 młrd rub (kala 50 młn dalaraŭ). Jon zajmaŭ pasady kiraŭnika mytnaha brokiera handlovaha porta «Sankt-Pieciarburh» i namieśnika kiraŭnika ŭpraŭleńnia Rasrejestru pa Sankt-Pieciarburhu.
U žniŭni hetaha hoda jon zaklučyŭ kantrakt na ŭdzieł u «SVA», ale paźniej kantrakt skasavaŭ, i sprava suprać jaho adnaviłasia.
Učora pieciarburhski sud pavinien byŭ abrać jamu mieru strymańnia. Eks-čynoŭnik paprasiŭ kanvairaŭ vyjści pakuryć, ale źbieh, schavaŭšysia ŭ konsulstvie Armienii ŭ Pieciarburhu. Siłaviki nie mahli zajści ŭ pamiaškańnie ŭ suviazi z tym, što heta terytoryja inšaj krainy.
Siońnia SHOT paviedamiŭ, što ratavańnia nie adbyłosia. Pavodle kanała, Avakian zamknuŭsia ŭ prybiralni konsulstva, dzie i skončyŭ žyćcio samahubstvam. Supracoŭniki MNS, jakija adkryvali dźviery, znajšli jaho cieła biez prykmiet žyćcia, piša kanał.
Kamientary
Tut armianie elehantna prybrali prablemu...