Ministr zamiežnych spraŭ Litvy Kiastucis Budrys u intervju LRT zajaviŭ, što niekatoryja sankcyi suprać Biełarusi buduć pašyranyja ŭ 20‑m pakiecie sankcyj ES suprać Rasii, jaki płanujuć pryniać da čarhovaj hadaviny pačatku šyrokamaštabnaha rasijskaha ŭvarvańnia va Ukrainu.
«Jašče adzin važny momant: u miežach 20‑ha pakietu niekatoryja zachady nakont Biełarusi buduć navat pašyranyja. Spadziajusia, 23 lutaha Rada zamiežnych spraŭ jaho ŭchvalić. Tak što na nastupnym tydni tema sankcyj budzie zakrytaja», — skazaŭ Budrys.
Ministru taksama zadali pytańni ab pierajeździe Śviatłany Cichanoŭskaj u Varšavu paśla taho, jak u Litvie panizili ŭzrovień jaje achovy.
«Litva ličyć Cichanoŭskuju lidaram apazicyi, i ŭ Litvie dziejničaje zasnavany joju ofis. Heta jaje ŭłasnaje rašeńnie — jak pašyrać i praciahvać svaju dziejnaść. Heta nie rašeńnie Litvy, jak i palityčny paradak dnia, čym zajmajecca apazicyja, abjadnoŭvajučy paasobnyja struktury ŭ roznych krainach, — heta sprava ich samich. Litva nie vyznačaje — zaraz takuju pracu rabicie, tuju ci hetuju. Što Litva moža prapanavać i što jana robić bolš, čym chto-niebudź, heta stvaraje ŭmovy dla dziejnaści pradstaŭnikoŭ apazicyi ŭ Litvie, zapeŭnivajučy biaśpieku, prastoru, palityčnyja ŭmovy, a taksama spryčyniajecca finansami. I my budziem rabić heta i ŭ budučyni», — skazaŭ Kiastucis Budrys.
-
«Budavała karjeru, kab ciapier sarvacca ŭ ahrarny? Adnaznačna tak!» Dekany Horackaj akademii zakachali ŭ siabie sacsietki
-
U centry Bresta pastaviać hihanckija vahi ź niezvyčajnymi adzinkami vymiareńnia
-
«Nie budziem źviartać uvahu na limitrofaŭ». Juraś Ziankovič zapuściŭ ułasnaje miedyja, nie viedajučy, što hetaksama nazyvajecca sajt paźniakoŭcaŭ
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku31
Kamientary