Raniej byłaja spartsmienka Nastaśsia Mirončyk-Ivanova kazała, što nie płanuje iści ŭ dekret i budzie sumiaščać karjeru i siamju.
Deputatka Pałaty Pradstaŭnikoŭ apublikavała ŭ instahramie zdymak birački, jakuju viešajuć na ručku novanarodžanaha ŭ radzilni. U Nastaśsi Mirončyk-Ivanovaj i jaje muža lohkaatleta Siarhieja Ivanova naradziłasia dačka.
«Sardečna zaprašajem u hety śviet, naša pryncesa», — padpisała zdymak ščaślivaja maci. Dziaŭčynka atrymała imia Alivija.
U siamji ŭžo raście syn Hleb. Nastaśsia vielmi chacieła dačku i pierad rodami navat vučyłasia rabić pryčoski, kab potym pryhoža zaplatać vałasy dziaŭčyncy.
Raniej deputatka paviedamlała, što nie płanuje iści ŭ dekretny adpačynak, bo praca ŭ parłamiencie zastajecca dla jaje pryjarytetam: «Viadoma, ja razumieju, što maciarynstva — heta novy dośvied, poŭny radaściej i vyklikaŭ. Ale jak vaša deputatka ja liču važnym pakazvać, što karjeru i siamju možna sumiaščać. Majo dzicia budzie častkaj majho žyćcia i, ja ŭpeŭnienaja, budzie ŭnosić pazityŭny ŭkład u maju pracu».
Žychary Hrušaŭki i Michałova zastajucca biez deputatki: čempijonka Mirončyk-Ivanova źbirajecca ŭ dekret
Deputatka Mirončyk-Ivanova raskazała, ci možna joj vykładać u instahramie foty ŭ kupalniku
Dzie sioleta adpačyvajuć Tur, Mirončyk-Ivanova, viadučaja HUBAZiKa dy inšyja łukašysty i jakija hateli jany vybirajuć?
Jak skakucha stała deputatkaj. Historyja Nastaśsi Mirončyk-Ivanovaj
Kamientary