Łosik raskazaŭ, praź jakija pakuty prajšoŭ muzyka Tor Band Jaŭhien Burło
Błohier i były palitźniavoleny Ihar Łosik pierasiakaŭsia za kratami z muzykam Tor Band Jaŭhienam Burło. Toj ciapier znachodzicca ŭ kałonii №3 (Vićba) i pierasoŭvajecca na mylicach.
«Asteaparoz dvuch noh, na pravaj zrabili apieracyju, prajšoŭ praź miesiacy pakut, tamu što sami razumiejecie, jak va ŭmovach turmy prachodzić apieracyja i reabilitacyja. Mnie raskazvaŭ, što heta było piekła. Treba terminova rabić apieracyju na druhoj nazie. Narmalna chadzić jon nie moža, i ŭjavicie, jak heta žyć u takim stanie va ŭmovach łahiera.
Jaho čamuści pratrymali paŭhoda ŭ SIZA KDB, skazali napisać na pamiłavańnie roŭna hod tamu, ale advieźli nazad na łahier i nie vypuścili», — raskazaŭ u svaim kanale Ihar Łosik.
U kastryčniku 2023 hoda muzykaŭ Tor Band prysudzili da vializnych terminaŭ kałonii. Ich abvinavacili ŭ raspalvańni varožaści, stvareńni ekstremisckaha farmavańnia, dyskredytacyi Biełarusi i abrazie Alaksandra Łukašenki.
Źmicier Hałavač atrymaŭ 9 hadoŭ kałonii ŭzmocnienaha režymu, Jaŭhien Burło — 8 hadoŭ, Andrej Jaremčyk — 7,5 hadoŭ kałonii.
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS15
Kamientary