U žančyny na zavodzie zahinuŭ syn. Jakuju joj prysudzili kampiensacyju?
Małady čałaviek uładkavaŭsia padsobnym rabočym u Homieli na vytvorčaść bietonnych vyrabaŭ u 2023 hodzie. Praz paŭtara miesiaca na pracy adbyŭsia niaščasny vypadak, u vyniku jakoha jon zahinuŭ.
U momant vykarystańnia haryzantalnaha ŭniviersalnaha źmiašalnika adzieńnie trapiła ŭ abstalavańnie, a jon sam — pad łopaści vała, što kruciŭsia. Chłopiec zahinuŭ.
Było praviedziena rasśledavańnie — asobami, jakija dapuścili parušeńni, pryznanyja dyrektar padraździaleńnia i načalnik vytvorčaści. Kryminalnyja spravy ŭ dačynieńni da ich spynienyja z pryčyny amnistyi. Akramia taho, sud pryznaŭ vinavatym u pryčynieńni śmierci ź nieaściarožnaści farmoŭščyka hetaha pradpryjemstva, jaki ŭklučyŭ abstalavańnie, — jon taksama vyzvaleny pavodle aktu amnistyi.
Dla žančyny heta byŭ adziny syn i ŭ suviazi ź jaho niečakanaj śmierciu jana adčuła fizičnyja i maralnyja pakuty. Žančyna prasiła spahnać z kampanii kampiensacyju 1 000 000 rubloŭ i sudovyja vydatki.
Sud vyrašyŭ, što ŭ maci zahinułaha jość zakonnyja padstavy dla atrymańnia hrašovaj kampiensacyi maralnaj škody za košt pracadaŭcy syna jak uładalnika krynicy padvyšanaj niebiaśpieki.
Sud Navabielickaha rajona Homiela spahnaŭ z pracadaŭcy na karyść maci zahinułaha 60 000 rubloŭ kampiensacyi maralnaj škody, taksama vyrašyŭ pytańnie ab sudovych vydatkach.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary
Vsie otvietstviennyje - nie otvietstviennyje po itohu!
Kraina dla žyćcia!....
Ja pamiataju, jak sa mnoj u špitali lažała staraja žančyna. Jana mnie apaviadała, što jaje muž byŭ načalnikam na vytvorčaści, da jaje pryjšli ŭ śnie prodki i papiaredzili, što na nastupny dzień adbudziecca tam niaščaście, ale im zabaroniena havaryć, što mienavita, tolki nakazali, kab muž nikoha nie ŭpuskaŭ i nie vypuskaŭ z cechu. Muž ranicoj uziaŭ va ŭsich raśpisku pra techniku biaśpieki, zamknuŭ usie dźviery, papiaredziŭ ludziej, ale ŭsio roŭna kampanija maładych ludziej niejak prajšła i pačała adciahvać uvahu pracaŭnicy, u jakoj praź niekalki dzion pavinna było adbycca viasielle. U vyniku joj adrezała stankom palcy. Kali b jon nie ŭziaŭ z usich raśpiski ŭ hety dzień, to taksama b panios adkaznaść, choć jon zrabiŭ usio, što ad jaho zaležyła, kab hetaha nie adbyłosia.