Biełaruskija litaratary siońnia ŭ Dzień rodnaj movy praviaduć dyktoŭki
Siońnia adznačajecca Mižnarodny dzień rodnaj movy. Voś mierapryjemstvy z udziełam biełaruskich litarataraŭ i litaratarak, piša «Budźma».
Lavon Volski praviadzie Ahulnanacyjanalnuju dyktoŭku da Dnia rodnaj movy ŭ efiry «Biełsat».
Dyktoŭka projdzie paśla vypusku «Ranicy ź Biełsatam» i žyvych navin. Litaratar i rok-muzyka budzie dyktavać tekst padčas śpiecyjalnaj tranślacyi ŭ studyi. U žyvym efiry dyktoŭku buduć pisać taksama viadoŭcy i hości «Ranicy».
Padčas śpiecyjalnaj tranślacyi ŭ studyi «Biełsatu» Lavon Volski budzie dyktavać tekst.
U žyvym efiry dyktoŭku buduć pisać taksama viadoŭcy i hości «Ranicy». Akramia čytańnia tekstu, tranślacyja pakaža sam praces: jak udzielniki pišuć, što adčuvajuć, jak prachodzić hetaja moŭnaja padzieja.
Błanki možna spampavać tut
Pačatak a 12:05 pa biełaruskim časie.
U niadzielu ŭ pramym efiry adbudziecca simvaličny lohki razbor pamyłak i ŭznaharodžańnie najlepšych udzielnikaŭ.
Maksim Znak pračytaje dyktoŭku ŭ Jeŭrapiejskim centry Salidarnaści ŭ Hdańsku
U subotu ŭ Biełastoku adbudziecca biełaruskaja dyktoŭka da Dnia rodnaj movy. Pačatak a 16:30 u Biełaruskim Chabie «Novaja Ziamla».
Dyktoŭka budzie pavodle ese Uładzimira Arłova «Niezaležnaść — heta…», jakoje pierakładziena bolš čym na dvaccać piać moŭ śvietu. Dyktuje sam aŭtar.
Va Urocłavie adbudziecca sustreča «Movy nanova» da Dnia rodnaj movy. Sioleta dyktoŭku praviadzie Andrej Chadanovič, paet, pierakładčyk, litaraturaznaŭca i vykładčyk. Pitny miod — taksama biełaruskaja tradycyja! Tamu dalej śviatkavańnie adbudziecca ŭ dehustacyjnym farmacie.
Vas čakaje krychu historyi i dehustacyja pitnoha miodu z Uładzimiram Šymbarevičam — znaŭcam temy i, hałoŭnaje, praktykam, jaki stvaryŭ bolš za 50 hatunkaŭ napoju. Haściej prosiać uziać z saboj kiliški dla hetaje spravy.
«Budzie sałodka, intelektualna, utulna i pa-biełarusku», — zapeŭnivajuć arhanizatary.
Uvachod — danaty na kampiensacyju vydatkaŭ. Rehistracyja pa spasyłcy.
U subotu ŭ Skarynaŭskaj biblijatecy ŭ Łondanie adznačajuć Dzień rodnaj movy ź piśmieńnikam Alhierdam Bacharevičam i paetkaj Julaj Cimafiejevaj. Uvachod volny, vitajucca achviaravańni anhła-biełaruskamu tavarystvu.
U Muziei Ivana Łuckieviča ŭ Vilni sustrečy ź piśmieńnicami i prahrama dla dziaciej u miežach admysłovaha festu
U subotu, 21 lutaha, u Vilni ŭ Domie nacyjanalnych supolnaściej (Raugyklos, 25 (2 pavierch) z 17:00 taksama adznačajuć Dzień rodnaj movy.
U prahramie:
Muzyčnaja častka: Jury Nieściarenka, kapeła «Ojra» i śpiecyjalnyja hości
Paezija i kulturnicki aktyvizm: Pavieł Sieviaryniec, Siaržuk Sys, Vanda Marcinš, Ihar Słučak, Illa Mironaŭ
Uvachod volny, danaty vitajucca.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ99
Kamientary