Źjaviłasia pietycyja da Google za dadavańnie hałasavoha ŭvodu na biełaruskaj movie
Na sajcie change.org zapuścili pietycyju da Google z prośbaj dadać biełaruskuju movu ŭ hałasavy ŭvod Gboard. Zaraz biełarusam davodzicca karystacca inšymi movami.
Aŭtar pietycyi adznačaje, što ŭ biełarusaŭ jość mahčymaść adkazvać na paviedamleńni tekstam, ale hałasavy ŭvod na biełaruskaj movie Google nie padtrymlivaje. Heta štučny barjer, jaki prymušaje nas abo maŭčać, abo pierachodzić na čužyja movy pry vykarystańni instrumienta, piša Devby.io.
«Čamu ŭkrainskaja, polskaja ci kazachskaja movy majuć hetuju funkcyju, a biełaruskaja — nie? My — miljony aktyŭnych karystalnikaŭ pa ŭsim śviecie, i my nie chočam być «niamymi» ŭ svaich ułasnych telefonach», — adznačaje aŭtar.
Jon dadaŭ, što heta stvaraje prablemy ŭ biznesie i ŭ paŭsiadzionnaści. Naprykład, heta zabiraje čas u pradstaŭnikoŭ tvorčych prafiesij pry ručnoj pracy, kali treba chutka adkazać klijentam. U zvyčajnym žyćci adsutnaść hałasavoha ŭvodu na biełaruskaj movie pieraškadžaje za rulom i prosta pa darozie, kali zaniaty ruki.
Aŭtar zvarotu padkreślivaje, što ŭ technahihanta ŭžo jość usie patrebnyja źviestki z Google Translate i Mozilla Common Voice, tamu techničnych pryčyn ihnaravać biełaruskuju movu niama. I zapatrabavaŭ dadać jaje ŭ najbližejšym apdejcie Gboard.
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?1
Kamientary