«Rejv na zavodzie». Zumiery padymajuć prodažy biełaruskich pradpryjemstvaŭ, zdymajučy virusny kantent
Svaich staronak u sacsietkach, zdajecca, siońnia nie maje tolki lanivy vytvorca (ci toj, kamu nie chapiła hrošaj na pijar-adździeł). Pryjšoŭšy na niekatoryja zavody i fabryki, zumiery dadali ahieńčyku karparatyŭnym akaŭntam — jany zdymajuć supracoŭnikaŭ u trendavych tyktokach i humarać.
Markietołahi haziroŭki «Bieła-Koła» ź jakimi tolki farmatami nie ekśpierymientavali ŭ sacsietkach — ładzili konkursy, prapanoŭvali aŭtarski haraskop, paŭtarali ŭsie trendy z tyktoku, zakranali ŭ videaminijaciurach chajpovyja temy siamji i stasunkaŭ, ale ich videa strelnuli tolki tady, kali ŭ rolikach pačali zdymacca prostyja rabotniki.
Samaje papularnaje videa ŭ tyktoku «Bieła-Koły» — aŭtarskaja viersija pračytańnia treku «Silikonavy hnom» Mejbi Bejbi — ciapier maje amal siem miljonaŭ prahladaŭ. U jaho centry — supracoŭnica Aksana, jakaja za paru papiarednich rolikaŭ zrabiłasia sapraŭdnaj zorkaj, jakuju čakajuć u kožnym novym siužecie i niepakojacca, kali jana tam nie źjaŭlajecca.
Zapisyvajem, eto BIEŁARUŚ! Novinka Bieła-Koła so vkusom ziefira Piervyj bobrujskij užie v mahazinach, poprobuj!
Aksana nie tolki lubimica publiki, ale i duša kalektyvu, što dakazvaje hetaje humarystyčnaje videa, dzie jaje zdymki stajać na zastaŭkach telefonaŭ usich mužčyn zavoda.
Každomu po zastavkie, Oksana motivirujet rabotať dažie v otpuskie
Pačaŭsia, darečy, zorny šlach rabočych «Bieła-Koły» z trendu pad pieśniu «Svaha». Tut jany prezientujuć apošniuju navinku — kołu sa smakam vanilnaha ziefiru ad «Pieršy babrujski». Lepš za ŭsio šmatlikija reakcyi na rolik sfarmulavała adna z kamientatarak: «Ja tak razumieju, u našych brendaŭ i słužb kštałtu MNS niejkaje spabornictva pa kreatyŭnaści. Nam padabajecca, praciahvajcie».
I probujtie novinku! Bieła-Koła so vkusom ziefira Piervyj bobrujskij ❤️
Zavod navat paśpieŭ apieratyŭna adreahavać na rejv u Nacyjanalnym dziciačym centry «Zubrania», spałučyŭšy jaho ź pieśniaj Taćciany Bułanavaj (jaje tvorčaść zaraz taksama ŭ trendzie, dziakujučy «enierhaaščadnym» tancoram).
Žabinkaŭski cukrovy zavod, jak i «Bieła-Koła», atrymaŭ u tyktoku najbolš reakcyj, kali paklikaŭ u kadr supracoŭnika — samim maładym smmščykam u jakaści akcioraŭ stolki łajkaŭ i nie śniłasia.
Mark Formelle aryhinalničaŭ u sacsietkach tady, kali heta jašče nie było tak raspaŭsiudžana ŭ astatnich kampanij. I ciapier u ich dosyć mocnaja smm-stratehija. Adna ź fišak — zaprašeńnie da kałabaracyj miedyjnych biełarusaŭ z roznych śfier. Tak źjaviŭsia duet z papularnym ciapier techna-hurtom Policeinparis — pahladzicie, jak madeli Mark Formelle razam z muzykami adpalvajuć pad remiks na «Pieśniaroŭ» (adzin z udzielnikaŭ hrupy Uładź Kulbicki — unuk Mulavina).
Pra luboŭ Mark Formelle da vykarystańnia ŭ svaich proma mužčyn-macakoŭ, zdajecca, viedajuć užo ŭsie. Darečy, chto tolki ni zaprašaŭ zdymacca da siabie ŭ proma-rolikach bodzibiłdziera Devida Van Li. Voś, naprykład, varyjant ź jaho ŭdziełam ad sietki kram «Miła».
U Mark Formelle ža ahułam zdarajucca i bolš cikavyja supracy — naprykład, ź minčukom Źmitrom Hoślinham, viadomym tym, što jon tančyć na roznych stancyjach mietro (biełarus sam nazyvaje siabie dvajnikom akciora).
U mai hetaha hoda, pahladzieŭšy na inšych kaleh, tyktok sabie vyrašyŭ zavieści Minski choładakambinat №2. Pakul, praŭda, usie jaho rejtynhi trymajucca vyklučna na daŭno zdabytaj papularnaści ich maroziva «Kaštan», chacia aŭtarka vielmi starajecca.
Namacvaje svoj styl u tyktoku i «Kamunarka». Z apošnich papularnych rolikaŭ — šakaładka Alonka, jakaja tančyć pad rep-sierenadu aŭtarstva Jahora Kryda «Mnie ciabie mała».
Časam u rekamiendacyi tyktoku traplajuć cikavyja i čałaviečyja roliki ad «Intehrała».
A na «Amkadory» paŭtaryli dziŭnuju pozu Niki Minaž z klipa, jakaja niadaŭna zachapiła sacsietki.
Na našiej postojannoj vystavkie čieho tolko nie uvidiš
Ale nie tolki zavody navučylisia pracavać u sacsietkach. Virusnyja videa robić, naprykład, Ministerstva pa nadzvyčajnych situacyjach.
Ź niadaŭniaha — ratavalniki taksama paŭtarali taniec chareohrafaŭ Taćciany Bułanavaj. Za košt kolkaści ŭdzielnic i śpiecformy atrymałasia vielmi vidoviščna — rolik sabraŭ bolš za miljon prahladaŭ.
Tut i vielmi šmat paznavalnych rolikaŭ z praviłami biaśpieki. Naprykład, tak u MNS nahadali viečnaje, pra jakoje ŭsio roŭna niekatoryja zabyvajuć: «zapałki — nie cacka dla dziaciej».
A takim tancam ź sieryjały «Uensdej» supracoŭnica MNS paŭtarała praviły biaśpieki napiaredadni novaha kupalnaha siezona.
Samym ža zapatrabavanym farmatam u rataŭnikoŭ stali miemnyja videa z žyviołami (asabliva z katami).
Najbolš papularny rolik MNS pakul nie pierakročyŭ płanku ŭ try miljony, ich amal dahaniajuć pamiežniki, jakija taksama lubiać miemy. Praŭda, bačna, jak maładuju kreatyŭnuju enierhiju ŭ viedamstvie časam praciskaje aficyjny ideałahičny kantent.
Błohierki masava zapisvajuć videa ŭ šalonaj pozie na špilkach. Što adbyvajecca?
«Słodyč» prydumaŭ svajo zadańnie dla «Hulni ŭ kalmara». Vyśvietliłasia, što šmat biełarusaŭ daŭno tak hulajuć
Babrujčanin praz tyktok zaprasiŭ achvotnych na sielskuju dyskateku ŭ Hłuskim rajonie. Pahladzicie, što atrymałasia
«Ty začapiła maju radzimu — i heta podła». Repierka ź Biełarusi zapisała adkaz Instasamcy. Moładź ciapier masava zdymaje pad jaho tyktoki
Kamientary
Što supolnaha ŭ Azaronka (.pdf albo .lgbt) i Mikoły Statkieviča? Chyba tolki toje što abodva nienavidzieli Juryja Azaronka