«Słodyč» prydumaŭ svajo zadańnie dla «Hulni ŭ kalmara». Vyśvietliłasia, što šmat biełarusaŭ daŭno tak hulajuć
U pieršym siezonie šalona papularnaha sieryjała «Hulnia ŭ kalmara» było zadańnie — z dapamohaj ihołki vydrapać fihurki z cukrovych sot. Kandytarskaja fabryka «Słodyč» prapanavała svoj varyjant.
Žartaŭlivy rolik pad nazvaj «Biełaruskaja viersija «Hulni ŭ kalmara» źjaviŭsia ŭ tyktoku pradpryjemstva. U videa dziaŭčyna staranna i akuratna vyłomvaje fihurku limona ź piečyva. «Pryznajciesia, kožny jeŭ piečyva z malunkami mienavita tak», — napisaŭ nieviadomy aŭtar u podpisu da rolika.
Karystalnikam tyktoka ideja spadabałasia. Videa nabrała kala 540 tysiač prahladaŭ i 25 tysiač łajkaŭ. Vyśvietliłasia, što sapraŭdy šmat chto ź biełarusaŭ jeść piečyva takim čynam. Niechta vykarystoŭvaje dla hetaj spravy ałovak, niechta zubačystku, a niechta łamaje ci hryzie.
Ekśpierty adrazu adznačyli, što najbolš składanyja fihury — šachmaty, čajnik z kubačkam, vałoška. A karovu dyk uvohule nichto nie zmoh pieramahčy.
«Atrymlivajecca, my adkryli «Hulniu ŭ kalmara» raniej za ŭsich», — napisała adna z kamientatarak.
Žartavali kamientatary i nakont pakarańnia za projhryš u biełaruskaj viersii «Hulni ŭ kalmara». U paŭdniovakarejskim sieryjale rasstrelvali tych, chto vypadkova złamaŭ svaju fihurku. Dobryja ž suajčyńniki pišuć: «Złamaješ — prymusiać bulbu čyścić».
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku1
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary
Biełarusy viečno najdut kuda vstupiť… Kak i začiem torčať v etoj pomojkie?