Cichanoŭskaja voźmie ŭdzieł u šeści ŭ Varšavie z nahody Dnia Voli
Demakratyčnaja lidarka ŭ svaim telehram-kanale zaklikała dałučacca da mieryprajemstvaŭ, pryśviečanych Dniu Voli.
«Tak, siońnia my raskidanyja pa ŭsim śviecie, ale nie admovilisia ad našych maraŭ i metaŭ. Biełaruś žyvie ŭ nas, dzie b my ni byli. I kali ŭ vašym horadzie płanujecca impreza ci akcyja, jakuju ładzić miascovaja dyjaspara, dałučajciesia. Biarycie z saboj ściahi — biełaruskija i ŭkrainskija, simvoliku, ale taksama nie zabyvajciesia prytrymlivacca praviłaŭ biaśpieki.
A asabista my zmožam pabačycca 28 sakavika na maršy ŭ Varšavie. Ja ŭžo čakaju našaj sustrečy», — zaznačyła jana.
Šeście ŭ Varšavie projdzie ŭ nastupnuju subotu, 28 sakavika, i pačniecca a 16‑j hadzinie.
Zbor udzielnikaŭ adbudziecca na Płoščy Troch Kryžoŭ. Tut prahučać vystupy palitykaŭ, hramadskich i kulturnych dziejačaŭ.
Paśla ŭdzielniki, niesučy vializny 330‑mietrovy nacyjanalny ściah, nakirujucca ŭ vialikaje šeście praz centr horada da Zamkavaha placu, dzie čakajucca vystupy palitykaŭ i pradstaŭnikoŭ hramadzianskaj supolnaści, a taksama adbudziecca śviatočny kancert.
Mierapryjemstvy projduć i ŭ inšych krainach — Litvie, ZŠA, Kanadzie, Vialikabrytanii. Raskład apublikavany tut.
Kamientary