Vyjšaŭ na svabodu kiraŭnik biełaruskaha Ernst&Young Pavieł Łaščanka
54‑hadovaha topavaha aŭdytara asudzili za «pryčynieńnie škody nacyjanalnaj biaśpiecy Biełarusi».
U śpisie vyzvalenych paśla vizitu amierykanskaj delehacyi jość Pavieł Łaščanka — kiraŭnik biełaruskaj pradstaŭnictva aŭdytarskaj kampanii Ernst&Young, jakaja ŭvachodzić u «vialikuju čaćviorku».
Biez acenki EY u Biełarusi nie mahła prajści nivodnaja surjoznaja ŭhoda pa pakupcy abo źlićci biznesu. EY byŭ adnym z asnoŭnych łakamatyvaŭ i tłumačalnikaŭ u spravie prasoŭvańnia pieradavych finansavych standartaŭ i spravazdačnaści.
Paŭła aryštavali ŭ kancy 2024 hoda ci pačatku 2025 hoda pavodle artykuła 361 Kryminalnaha kodeksa — zakliki da dziejańniaŭ, skiravanych na pryčynieńnie škody nacyjanalnaj biaśpiecy Biełarusi. Viadoma, što kryminalnaja sprava ŭzbudžana za padziei 2020 hoda.
Tady, u razhar źbićcia hramadzian milicyjaj, za podpisam Łaščanki vyjšaŭ list da kiraŭnikoŭ siłavych i dziaržaŭnych orhanaŭ, u jakim jon vykazaŭ sumnieŭ u ahučanych Jarmošynaj ličbach, a taksama zaklikaŭ usich adumacca i viarnucca da zakonnaści.
Nieviadoma, jaki mienavita termin atrymaŭ Łaščanka, ale za kratami jon prabyŭ bolš za hod. Adbyvaŭ pakarańnie ŭ kałonii ŭ Viciebsku.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary
[Zredahavana]