Stała viadoma, za što asudzili kiraŭnika biełaruskaha Ernst & Young Paŭła Łaščanku
Ciapier jaho musiać pieravieści ŭ kałoniju — pa jahonym artykule inšaha pakarańnia nie praduhledžvajecca.
Pra zatrymańnie Paŭła Łaščanki «Naša Niva» paviedamlała ŭ lutym 2025 hoda. Tady vyśvietliłasia, što jon kala dvuch miesiacaŭ znachodziŭsia ŭ SIZA pa palityčnym artykule.
Ciapier ža stała viadoma, što šmathadovaha kiraŭnika EY užo asudzili. Jaho abvinavačvali pa č. 3 art. 361 KK — «zakliki da sankcyjaŭ ci inšych dziejańniaŭ, nakiravanych na pryčynieńnie škody Biełarusi, ździejśnienyja praź internet abo miedyja ci jakija paciahnuli ciažkija nastupstvy». Za heta jamu pahražała ad 4 da 12 hadoŭ sa štrafam abo biez. Prysud ŭžo ŭstupiŭ u siłu. Łaščanku albo ŭžo pieraviali ŭ kałoniju, albo pieraviaduć bližejšym časam.
Ernst & Young — adna z najbujniejšych u śviecie kampanij, jakija zajmajucca aŭdytam. U Biełarusi bieź jaje nie abychodziłasia nivodnaja bujnaja ździełka, źviazanaja z kuplaj ci źlićciom biznesu. Joj šmat hadoŭ kiravaŭ Pavieł Łaščanka.
U 2022 hodzie, paśla pačatku rasijskaha ŭvarvańnia va Ukrainu, kampanija farmalna adździaliłasia ad sietki Ernst & Young i stała pracavać pad brendam B1. Łaščanka zastaŭsia na pasadzie, a paśla tajamniča źnik. Kampanija razasłała supracoŭnikam list, dzie paviedamlała, što jon «u siłu asabistych abstavin bolš nie moža praciahvać pracavać na hetaj pasadzie». Byŭ pryznačany novy kiraŭnik.
U samyja haračyja dni 2020-ha Pavieł Łaščanka napisaŭ list da siłavikoŭ i dziaržsłužačych, u jakim vykazaŭ sumnieŭ u vynikach vybaraŭ i zaklikaŭ usich viarnucca da zakonnaści.
«Naša Niva» — bastyjon biełaruščyny
PADTRYMAĆStała zrazumieła, čamu kiraŭnik biełaruskaha Ernst&Young nie zmoh asabista raźvitacca z kalektyvam
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
Vieterynara sa Śmiłavičaŭ asudzili pa piaci palityčnych artykułach. Jamu pahražała da 12 hadoŭ kałonii
Ciapier čytajuć
U Varšavu pryjechała sotnia biełaruskich palitviaźniaŭ17
Kamientary
A miesiac tamu jašče maju adnakurśnicu pasadzili. Irynu Suržyk ź Pielenha. Taksama suprać Etnasu pajšła. Suprać Chleba
Ŭsich takich mankurtoŭ, niaščyrak - Ščyry Chlebarobski Etnas pierapracuje va ŭhnajeńnie
Kab Chleb lepiej ros! Bo Chleb usiamu hałava