U novym siezonie sieryjała «Hulnia ŭ kalmara» možna pabačyć aficyjny ściah Biełarusi
Ciapier zabivać u miehapapularnym karejskim sieryjale ad Netflix buduć, u tym liku, pad čyrvona-zialonym ściaham.
Siem sieryj druhoha siezona «Hulni ŭ kalmara» źjavilisia ŭčora. Častka dziejańniaŭ čaćviortaj i piataj sieryi razhortvajecca ŭ łakacyi, stylizavanaj pad školny dvoryk. Mienavita tam hulcy prachodziać čarhovaje vyprabavańnie.
Na hety raz udzielnikam śmiarotna niebiaśpiečnaj «Hulni ŭ kalmara» nieabchodna padzialicca na kamandy pa piać čałaviek. Nohi čalcoŭ kamandy skoŭvajuć takim čynam, kab ludzi stajali ŭ adnoj linii i mahli pierasoŭvacca tolki ŭsie razam. Im za piać chvilin nieabchodna pieramahčy ŭ piaci mini-hulniach, jakija byli papularnyja ŭ karejskich dziaciej. Tych, chto nie paśpiavaje spravicca z usimi zadańniami ŭ adviedzieny čas, pa niadobraj tradycyi rasstrelvajuć — takija praviły.
Toj samy školny dvoryk upryhožany nievialikimi ściahami roznych krain. Siarod inšych možna zaŭvažyć i aficyjny čyrvona-zialony ściah Biełarusi. Pad im hieroi jak radujucca pieramoham, tak i pamirajuć ad kul.
Top sieryjałaŭ ad žurnalistaŭ «Našaj Nivy». Niekatoryja ź ich dakładna stanuć adkryćciom dla vas
U ZŠA abviaścili pieramožcaŭ premii «Emi»
Netflix zapuskaje realici-šou «Hulnia ŭ kalmara» z samym vialikim u historyi pryzavym fondam
Toje, što vy budziecie hladzieć. Novaja karejskaja drama «Hulnia ŭ kalmara» zavajoŭvaje śviet
Milicyja schavała hałoŭnaje — mahiloŭski mańjak-lifcior užo siadzieŭ za zhvałtavańnie. Ale jaho nie pravieryli na datyčnaść da zabojstvaŭ3
Kamientary