Ukrainski vajskoviec, jaki trapiŭ u pałon i byŭ pryznany miortvym, pryjšoŭ na ŭłasnuju mahiłu FOTAFAKT
Ukrainski vajskoviec ź Lvoŭščyny Nazar Dalecki paśla amal čatyroch hadoŭ rasijskaha pałonu viarnuŭsia dadomu i ŭ pieršy ž dzień pryjšoŭ na ŭłasnuju mahiłu, piša vydańnie nta.ua.
Nazara Daleckaha vyzvalili padčas abmienu vajennapałonnymi 5 lutaha. Tady jon daviedaŭsia, što niekalki hadoŭ tamu jahonyja rodnyja, akazvajecca, pachavali inšaha čałavieka, bo DNK-ekśpiertyza pamyłkova pakazała supadzieńnie. Aficyjna jon ličyŭsia pamierłym.
Pryjechaŭšy ŭ rodnaje siało Vialiki Dorašaŭ na Lvoŭščynie, Dalecki naviedaŭ mohiłki, dzie stajała i jaho «mahiła». Ukrainski ściah adtul užo prybrali, a pareštki nieviadomaha sałdata vykapali dla ekshumacyi. Nazar adznačyŭ, što nie kožnamu davodzicca ŭbačyć ułasnaje pachavańnie i daviedacca, chto pa tabie smutkavaŭ.
Jaho maci daviedałasia pra viartańnie syna 5 lutaha, kali joj patelefanavali. Jana nie mahła strymać emocyj i skazała, što vielmi doŭha čakała hetaha momantu.
Dalecki trapiŭ u pałon u traŭni 2022 hoda padčas bajoŭ na ŭschodzie Ukrainy. U pałonie jaho źbivali i jon mocna schudnieŭ. U toj ža čas ukrainskaja sistema identyfikacyi zahinułych pierahružanaja, tamu zdarajucca pamyłki, u tym liku z DNK.
Heta pieršy viadomy vypadak, kali sałdata ličyli zahinułym i navat pachavali, ale jon akazaŭsia žyvym. Dziaržava pryznała pamyłku i nie budzie patrabavać viartańnia vypłačanaj siamji kampiensacyi.
Kab aficyjna adnavić status Nazara Daleckaha, sud pavinien pryznać, što jon žyvy.
Kali Dalecki viarnuŭsia ŭ viosku, jaho sustrakali dziasiatki ludziej. Niekatoryja navat sumniavalisia, ci sapraŭdy heta jon. U siamji žartujuć, što ŭ jaho ciapier «dva žyćci», a dzień jaho viartańnia buduć adznačać jak novy dzień naradžeńnia.
Simvalična, što pakoj, dzie ciapier jon siadzić siarod svajakoŭ i śviatkuje viartańnie, niekalki hadoŭ tamu byŭ miescam, dzie stajała jaho truna padčas pachavańnia.
Z rasijskaha pałonu viarnuŭsia ŭkrainski vajskoviec, jakoha try hady ličyli zahinułym i navat pachavali
Svajaki ŭkrainskaha sałdata, jaki ličyŭsia zahinułym, ale viarnuŭsia z pałonu, abaviazany viarnuć 300 tysiač jeŭra pachavalnych
U Čarnaŭcach padčas uskryćcia cieła vajskoŭca, pieradadzienaha ŭ ramkach abmienu z RF, vyjavili hranatu
«Ci možna abmianiać na Kardaš?». Žonka ŭkrainca, vykradzienaha 11 hadoŭ tamu ŭ Daniecku, raskazała pra muža
Ciapier čytajuć
Pamiatajecie varjackuju honku ŭ Breście, padčas jakoj zahinuła troje? Na VIDEA z ekšn-kamiery matacyklista vidać, što jon razahnaŭsia da 186 km/h3
Kamientary