Babrujčanin praz tyktok zaprasiŭ achvotnych na sielskuju dyskateku ŭ Hłuskim rajonie. Pahladzicie, što atrymałasia
Žychar Babrujska Ryhor Bułka praz tyktok zaprasiŭ usich achvotnych zavitać u viosku svajho dziacinstva, kab patancavać na sapraŭdnaj viaskovaj dyskatecy. U vyniku adčuć toj samy vajb zachacieli dziasiatki ludziej z roznych kutkoŭ Biełarusi.
U vioscy Zielankovičy Hłuskaha rajona 13 vieraśnia prajšła niezvyčajnaja dyskateka pad adkrytym niebam u dvary doma. Jaje inicyjataram staŭ žychar Babrujska Ryhor Bułka.
Na impravizavanuju viečarynu, jakaja prajšła prosta na dvary doma, pryjechali ludzi z roznych haradoŭ i rajonaŭ Biełarusi: Hłuska, Akciabrskaha, Babrujska, Mazyra, Słuckaha rajona, ź Minska. Pavodle infarmacyi miascovaha pablika myastechka_glusk, viečaryna adbyłasia na poŭnym entuzijaźmie — biez kvitkoŭ i sceny.
Videa z dyskateki chutka razyšłosia pa sacsietkach i vyklikała zachapleńnie.
Ale niekatoryja bolš daśviedčanyja kamientatary vykazali zaniepakojenaść, ci mieŭsia dazvoł na praviadzieńnie masavaha mierapryjemstva ad miascovych uładaŭ i milicyi.
U adkaz adzin z udzielnikaŭ ź ironijaj napisaŭ: «My ŭsie pryjechali kapać bulbu, a toje, što vy bačycie, — heta my sa svajakami viečaram krychu adpačyli». Inšyja miarkujuć, što «nichto nie rehłamientuje, kolki haściej možna paklikać dadomu».
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary
@kolki haściej možna paklikać dadomu@ --- haściej ZAPRAŠAJUĆ, a nie kličuć
.... i, uvohule ("ahułam"))) :
kličnik = vosklicatielnyj znak