«Ty začapiła maju radzimu — i heta podła». Repierka ź Biełarusi zapisała adkaz Instasamcy. Moładź ciapier masava zdymaje pad jaho tyktoki

U svaim novym treku «Silikonavy hnom» Mejbi Bejbi iranična abiacaje Instasamcy, što taja abaviazkova vyvučyć nazvu jaje krainy — adrazu, jak tolki vierniecca ŭ «Arabskuju Emiraciju».

Sama ž Mejbi Bejbi ŭ videa zavaročvajecca ŭ čyrvona-zialony ściah i čytaje biełaruskamoŭny rep:

Ty začapiła maju radzimu — i heta podła.
Zvaru bulbu i tabie zapichaju dalej u horła.
Za stereatypy ja raźniasu ciabie ŭ treski.

Paśla idzie fraza babuli, jakaja daŭno stała miemnaj u tyktoku: «V poniedielnik dojdiot do Łukašienki».

Pavialičyć

Ciapier biełaruskaja moładź zapisvaje videa pad hety huk. Niechta žartuje, što nikoli nie dumaŭ, što hałoŭnaj pijarščycaj Biełarusi stanie Mejbi Bejbi. Rasijanie tym časam kažuć, što treba ŭžo admianiać modu na paŭdniovakarejcaŭ i ŭvodzić modu na biełarusaŭ.

Svajo videa vykłaŭ i papularny biełaruskamoŭny tyktokier Illa Šynkarenka.

@shynkarenka Naša buślicha, atrymlivajecca #biełaruskiciktok #rekamiendacyi ♬ orihinalnyj zvuk - valery

@glebsaliy

♬ mayday skoro - ula kuscik

@alisacios

Ci nie

♬ mayday skoro - ula kuscik

Adzin z chłopcaŭ, jaki dałučyŭsia da stychijnaha fłešmobu ŭ sacsietkach, napisaŭ: «Vyśvietliłasia, što nam prosta nie chapała jakasnaha flow na movie. Słoŭ nie chapaje, kab vykazać reśpiekt hetaj bejbi».

@ilyakrukk i słoŭ nie chapaje, kab vykazać reśpiekt hetaj bejbi #fyp #riekomiendacii #mejbibejbi #biełaruś ♬ mayday skoro - ula kuscik

@ok.race Chudzi ŭ inst:ok.race #biełaruskiciktok #biełtyktok #okrace ♬ orihinalnyj zvuk - valery

@pastasourisss

aktivirovała u vsiech biełarusov riežim patriota

♬ mayday skoro - ula kuscik

@bart..ik

v lubom słučaje raznos

♬ mayday skoro - ula kuscik

Chto ŭsie hetyja ludzi

Instasamka — heta rasijskaja artystka, jakaja spačatku raskruciłasia ŭ instahramie i tyktoku, a paśla pačała muzyčnuju karjeru. Najbolš viadomy jaje chit — «Za dieńhi — da».

Mejbi Bejbi — psieŭdanim biełaruskaj pop– i rep-śpiavački Viktoryi Łysiuk. Jana naradziłasia ŭ u Žabincy, VNU skončyła ŭ Rasii i ciapier žyvie tam. U 2017 hodzie dziaŭčyna dałučyłasia da rasijskaha prajekta Frendzona, a ŭ 2018 hodzie pačała rabić solnuju karjeru.

Kanflikt Instasamki i Mejbi Bejbi ciahniecca nie pieršy hod. Jany ŭžo raniej abmieńvalisia źjedlivymi ŭkołami. Ale ŭ 2025 hodzie supraćstajańnie vyjšła na novy ŭzrovień.

Niadaŭna Instasamka napisała ŭ svaim telehramie dopis, jaki šmat chto paličyŭ danosam. Dziaŭčyna abvinavaciła Mejbi Bejbi i jašče adnu artystku ŭ tym, što jany vykonvajuć treki, napisanyja artystami, jakija pakinuli Rasiju ci aktyŭna krytykujuć jaje. Heta, jak miarkuje śpiavačka, pieraškadžaje rasijskaj moładzi być patryjotami.

Instasamka taksama śćviardžaje, što Mejbi Bejbi prapahanduje ŁHBT, a jašče kaža, byccam bačyła, jak na kancertach kankurentki achova kruciła maładych ludziej, jakija kryčali: «Rasija!».

Na danosie Instasamka nie spyniłasia i zapisała trek, jaki pryśviaciła Mejbi Bejbi. U im rasijanka nazyvaje biełarusku «s*kaj» i kaža, što ździŭlena, što taja jašče nie doma i «nie sobirajet kartošku ili bulbu».

Ale adkaz Mejbi Bejbi atrymaŭsia bolš rezanansnym. Za try dni jaje videa ŭ tyktoku nabrała 4,5 miljona prahladaŭ i 560 tysiač łajkaŭ.

Navat rasijanie pačali zapisvać roliki z padtrymkaj Mejbi Bejbi i kazać, što im vielmi spadabałasia biełaruskamoŭnaja častka jaje treku.

@neru.preface Biełaruś, ranieje iźviestnaja kak Biełoruśsija (Oficialno utrativšieje siłu nazvanije riespubliki - nazvanije ispolzovałoś dla byšiej riespubliki v sostavie raspavšiehosia SSSR) #biełaruś #miejbibiejbi #instasamka #diss #strana #biełoruśsija ♬ orihinalnyj zvuk - nera

• 9
• 0
• 17
• 31
• 1
• 0
• 0
• 0