Dubaj staŭ novaj suśvietnaj stalicaj OnlyFans

Jak piša DailyMail, niahledziačy na zvyšstrohuju pravavuju sistemu, zasnavanuju na zakonach šaryjatu, status padatkovaj havani pieratvaryŭ Dubaj u adno z samych chutkarastučych miescaŭ dla vytvorčaści kantentu dla OnlyFans.

Adzin z prykładaŭ — 27‑hadovaja brytanka El Bruk. Byłaja studentka jurydyčnaha fakulteta kinuła ŭniviersitet, kab stać influensierkaj. Siońnia ŭ jaje 2,3 miljona padpisčykaŭ u TikTok i Instagram, ale asnoŭny dachod prynosić OnlyFans, dzie dostup da jaje kantentu kaštuje $30 u miesiac.

U adnym ź intervju jana pryznałasia, što zarablaje «šaści— ci siamiznačnyja sumy za miesiac». Na pytańnie, što pra jaje karjeru padumajuć budučyja dzieci, Bruk adkazała dziorzka: «Jany zmohuć płakać u Ferrari!»

@iamellebrooke

What angle is your favorite?

♬ original sound - Elle Brooke

Niadaŭna El Bruk, jak i mnohija jaje kalehi, pierajechała ŭ Dubaj. Pryčyna prostaja i prahmatyčnaja. «Ja pierajechała siudy praz padatki, — pryznavałasia jana ŭ intervju. — Zamiest pałovy zarobku ja ciapier nie płaču amal ničoha».

Padatkovy raj i «zapluščanyja vočy» ŭładaŭ

Pa słovach Džordana Śmita, zasnavalnika mieniedžarskaj kampanii, jakaja pracuje z takimi madelami, hety trend pačaŭsia kala dvuch hadoŭ tamu, kali padatkovaja słužba Vialikabrytanii ŭziałasia za influensieraŭ, jakija nie dekłaravali svaje anłajn-dachody.

Sutyknuŭšysia sa štrafami, stvaralniki kantentu pačali šukać rašeńnie, i dla mnohich im staŭ pierajezd u AAE. Śmit miarkuje, što siońnia prykładna čverć usich brytanskich zorak «dla darosłych» žyvie ŭ Dubai.

Ale jak im udajecca stvarać zabaronieny kantent u krainie sa strohimi zakonami šaryjatu? Adkaz — u palitycy «nie pytajsia, nie kažy».

«Pakul ty pavodziš siabie cicha i nie svaryšsia z emirackimi ŭładami, jany prosta zapluščvajuć na heta vočy», — tłumačyć Śmit.

Hety padychod padobny da staŭleńnia ŭładaŭ da prastytucyi, jakaja ŭ Dubai taksama aficyjna zabaronienaja, ale faktyčna kvitnieje za začynienymi dźviaryma. Pa niekatorych acenkach, u horadzie pracuje kala 80 000 prastytutak — adna na kožnyja 35 mužčyn.

Cikava, što ŭłady AAE, mahčyma, nienaŭmysna, sami spraścili pierajezd dla OnlyFans-madelaŭ. Niadaŭna była zapuščana prahrama «załatych viz dla influensieraŭ», jakaja daje prava na doŭhaterminovaje žycharstva tym, chto maje vialikuju aŭdytoryju ŭ sacsietkach. Aficyjnaja meta hetaj inicyjatyvy, padtrymanaj kiraŭnikom krainy, — pryciahnuć 10 000 «stvaralnikaŭ kantentu», jakija, jak spadziajucca ŭłady, dapamohuć prasoŭvać Dubaj.

Farmalna ŭsio heta raźličana na trevieł-błohieraŭ i aŭtaraŭ, jakija pišuć pra styl žyćcia, a nie na zorak OnlyFans.

«Kudy b vy ni pajšli ŭ Dubai, paŭsiul poŭna ludziej z sełfi-pałkami, jakija zdymajuć kantent, — tłumačyć adzin ź mieniedžaraŭ. — Navat u haziecie niadaŭna pisali, što ŭrad stvaraje «akademiju influensieraŭ», kab navučyć ludziej «pradavać dubajskuju maru».

Ale kab zarablać na adnym Instagram, treba mieć miljony padpisčykaŭ. Tolki tady brendy pačynajuć płacić realnyja hrošy. Kali ŭ ciabie ŭsiaho dziasiatki tysiač, tabie patrebny OnlyFans, kab zarabić stolki, kolki treba dla žyćcia tut».

«Ci razumiejuć heta ŭłady, ja nie viedaju. Ale takaja realnaść», — dadaje jon.

Pavialičyć

Jak heta pracuje na praktycy?

Na anłajn-forumach, dzie stvaralniki kantentu dla OnlyFans abmiarkoŭvajuć taktyki prodažaŭ, rehularna źjaŭlajucca temy, pryśviečanyja tamu, jak stvarać parnahrafičny kantent u krainie i abychodzić miascovyja zakony. Asabliva heta tyčycca finansavych abmiežavańniaŭ, bo banki AAE nie prymajuć płaciažoŭ ad kampanii Fenix International, jakaja vałodaje OnlyFans.

«U Dubai žyvie bieźlič stvaralnikaŭ kantentu. Hałoŭnaje — nie rabić ničoha durnoha i zaŭvažnaha», —

havorycca ŭ typovym dopisie ad adnoj ź miascovych madelaŭ.

Dalej iduć kankretnyja parady: «Vy možacie stvarać i publikavać seks-kantent, znachodziačysia tut, ale rabicie heta vyklučna ŭ svajoj spalni. Nie zdymajcie na bałkonie ci ŭ inšym zaŭvažnym miescy». Taksama abaviazkovaj umovaj źjaŭlajecca vykarystańnie VPN, bo bieź jaho na sajt prosta nie zajści.

Praz toje, što banki AAE nie prymajuć płaciažoŭ ad kampanii Fenix International, jakaja vałodaje OnlyFans, madeli vykarystoŭvajuć mižnarodnyja anłajn-banki (naprykład, Paxum) abo stvarajuć składanyja schiemy z kampanijami-pasiarednikami ŭ inšych krainach.

Ciomny bok dubajskaj mary

Adnak, jak piša vydańnie, za historyjami pośpiechu i bliskučymi fota chavajecca zmročnaja realnaść.

Pravaabaronca Rada Styrlinh, kiraŭnica arhanizacyi Detained In Dubai, papiaredžvaje, što influensiery znachodziacca pad pastajannaj pahrozaj.

«Prymianieńnie zakonaŭ tut advolnaje i niepradkazalnaje. Kantent, jaki zdajecca biaskryŭdnym u inšym miescy, u Dubai moža stać pryčynaj kryminalnaj spravy», — kaža jana.

Akramia pramoj pahrozy turmy, isnuje i bolš tonkaja niebiaśpieka, źviazanaja sa ścirańniem miažy pamiž stvareńniem kantentu i elitnaj prastytucyjaj. Mnohija dziaŭčaty atrymlivajuć u sacsietkach prapanovy ad «ahientaŭ» pajechać u Dubaj, kab «chadzić na viečarynki z bahatymi mužčynami».

Tak, byłaja ŭdzielnica brytanskaha šou «Vostraŭ kachańnia» raspaviała, što joj prapanavali 50 000 funtaŭ za piać dzion u Dubai, a inšaj — 100 000 funtaŭ u hod, kab jana stała spadarožnicaj dla miascovaha biznesmiena. Jana pavinna była padpisać pahadnieńnie ab nierazhałošvańni, u jakim havaryłasia, što padrabiaznaści taho, što jana pavinna budzie rabić tam, zastanucca kanfidencyjnymi.

Pa sutnaści, heta zavualavanyja prapanovy eskort-pasłuh.

Hučnym staŭ vypadak instahram-błohierki z Uhandy Moniki Karunhi, jakaja ŭ 2022 hodzie zahinuła, vypaŭšy z akna kvatery na fonie čutak, što jana prysutničała na seks-viečaryncy z zamožnymi mužčynami.

Pavialičyć

Žachlivaja historyja zdaryłasia i z 20‑hadovaj ukrainskaj OnlyFans-madellu Maryjaj Kavalčuk. Paśla źniknieńnia na dziesiać dzion jaje znajšli na ŭzbočynie darohi ź pierałomami noh i chrybta. Palicyja zapytała zapisy z kamier videanazirańnia tolki praz try miesiacy, kali jany ŭžo byli ściortyja.

Sama Maryja paśla raskazała, što jaje pakalečyli paśla viečarynki, dzie byli mažory z Rasii dy Ukrainy i biełarus. 

• 0
• 0
• 1
• 3
• 0
• 0
• 0
• 0