Śviet5656

20-hadovaja ŭkrainka źnikła ŭ Dubai paśla «viečarynki z šejchami». Zaraz jana tolki varušyć vusnami i nie moža ruchacca

Maryju Kavalčuk znajšli na adnoj z daroh Dubaja ź pierałomami noh i chrybietnika. Maładaja madel znachodzicca ŭ krytyčnym stanie.

Maryja Kavalčuk. Dziaŭčyna rodam ź Lvova pracavała madellu i zdymała videa dla Onlyfans — płatformy z płatnym eratyčnym kantentam

Ukrainskaja madel Maryja Kavalčuk pryjechała ŭ Abjadnanyja Arabskija Emiraty 15 lutaha. Siabram jana kazała, što choča adpačyć i padzarabić na zdymkach.

9 sakavika, u dzień svajho 20-hodździa, Maryja adpraviłasia na tusoŭku da nienazvanych miascovych šejchaŭ. Na nastupny dzień dziaŭčyna pazvaniła maci i razhublenym hołasam skazała, što adpravicca ŭ hatel da nieznajomcaŭ, jakija zaprasili jaje da siabie. Jany, maŭlaŭ, majuć dačynieńnie da madelnaha biznesu.

Paśla hetaha dziaŭčyna źnikła. Jana prapuściła zapłanavany vylet u Tajłand i nastupnyja vosiem dzion uvohule nie vychodziła na suviaź. 

Maryja Kavalčuk

Dziaŭčynu znajšli na abočynie darohi ŭ Dubai tolki praz vosiem dzion. Jana lažała na ziamli i nie mahła ruchacca. U Maryi byli złamanyja ruki, nohi, a taksama chrybietnik.

U balnicy dziaŭčynie zrabili čatyry apieracyi, jana znachodzicca ŭ krytyčnym stanie. Maryja nie razmaŭlaje, tolki ledź varušyć vusnami.

Rodnyja miarkujuć, što madel mahła trapić u seksualnaje rabstva, dzie jaje niekalki dzion hvałtavali, a paśla vykinuli.

Padobnyja «viečarynki ŭ šejchaŭ» — adzin sa sposabaŭ zarobku dla dziaŭčat. Za prysutnaść na takim mierapryjemstvie možna atrymać niemałyja hrošy ad 500 dalaraŭ. Pry hetym isnuje šerah patrabavańniaŭ: rost nie nižej za 160 sm, strojnaje cieła, dobraja skura, uzrost — da 23 hadoŭ.

Isnujuć i bolš niebiaśpiečnyja viečarynki, tak zvanyja Porto Party, na jakich źbirajucca bahatyja vyčvarency. Jany hvałtujuć dziaŭčat i ździekujucca ź ich za zahadzia ahavoranuju sumu. Adnak časam situacyja vychodzić z-pad kantrolu i skančajecca kalectvam madelaŭ.

Kamientary56

  • Hanna
    21.03.2025
    Jaki žach
  • Tlo
    21.03.2025
    Nazvałsia šiejchom (napominajet "Caŕ - očień prijatno, očień prijatno Caŕ..."), a na samom diele kakije-to dikije saraciny, kotoryje dołžny pasti vierbludov i prožiť v svojej pustynie vsiu žizń, no tam našli niefť, očień mnoho niefti...
  • Imia
    21.03.2025
    Heta nie madel , amatar škiletaŭ z Buchienvalda? Na jakim z hetych zdymkaŭ jana toŭstaja? Ci ty viedaješ, bo fapaješ na jaje kantent na onlifansie?
    Niahledziačy na toje, što dziaŭčyna niepryjemnaja i zvyčajnaja TP, ty tut taksama rozumam nie źziaješ.

Ciapier čytajuć

Ukraincy padarvali aporu Krymskaha mosta. Ale toj ustajaŭ10

Ukraincy padarvali aporu Krymskaha mosta. Ale toj ustajaŭ

Usie naviny →
Usie naviny

Zialenski nazvaŭ rasijan «idyjotami» za prapanovu prypynić ahoń na 2-3 dni1

«Zakopvać tak ludziej — heta nie pa-ludsku». Čałaviek aburyŭsia, što na bresckich mohiłkach mahiły zakopvajuć ekskavataram12

Starmier paviedamiŭ pra pierachod Vialikabrytanii ŭ stan «bajavoj hatoŭnaści»4

Na pieramovach u Stambule Rasija zachavała raniejšyja patrabavańni2

Pierastała vychodzić na suviaź połackaja žurnalistka i katalickaja aktyvistka Cina Pałynskaja

U Rasii Vikipiedyju abvinavacili ŭ «prapahandzie piedafilii»2

U Asipovickim rajonie pryznali «darmajedami» ludziej ź psichičnymi zachvorvańniami1

Fejsbuk-staronku Lavona Volskaha pryznali «ekstremisckaj»2

$5000 za mietr. U Minsku źjaviŭsia premijalny dom, jaki pa canie pieraplunie navat Depo5

bolš čytanych navin
bolš łajkanych navin

Ukraincy padarvali aporu Krymskaha mosta. Ale toj ustajaŭ10

Ukraincy padarvali aporu Krymskaha mosta. Ale toj ustajaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić