U Minsku prajšła pieršaja repietycyja Verbum Nobile.
U zale Pałaca prafsajuzaŭ litaralna niekalki čałaviek, jakich muzyčny Dom «Kłasika» zaprasiŭ na pieršuju repietycyju opiery Stanisłava Maniuški Verbum Nobile. Opiera ŭpieršyniu budzie pakazana hledačam 30 maja i 5a červienia.
Alaksandr Čachoŭski, jaki spradziusiravaŭ opieru, zaŭvažna chvalujecca – častka ŭdzielnikaŭ pastanoŭki zatrymałasia na ŭračystym mierapryjemstvie ŭ Opiernym. Čachoŭski vybačajecca pierad presaj za toje, što pakazać opieru ŭ poŭnym varyniacie nie atrymajecca. U vyniku presie prezientujuć pieršuju tracinu, ź jakoj, što praŭda, užo možna zrabić vysnovy pra toje, ci varta naviedać śpiektakl.
Ad samaha pačatku Alaksandr Čachoŭski kazaŭ, što jahonaja zadača – adkryć opieru dla jaje «łatentnych» słuchačoŭ, tych, chto nie chodzić u opierny teatr ci na kancerty akademičnaj muzyki, ale patencyjna moža joj zacikavicca. Pastavić mienavita Maniušku padkazaŭ jamu Viktar Skarabahataŭ.
Verbum Nobile stavicca ŭ Biełarusi ŭpieršyniu — pieršaja polskaja muzyčnaja kamiedyja doŭžycca la hadziny, jaje pieršaja premjera adbyłasia ŭ Varšavie ŭ 1861hodzie, z taho času opieru stavili ŭ Polščy, ŭ Rasii, u niekatorych jeŭrapiejskich krainach, adnak da biełaruskaha hledača jana jašče nie traplała.
Historyja kachańnia šlachciča Stanisłava i dački pamieščyka Łahody Zosi padadziena ŭ «niekłasičnaj maniery» — zamiest arkiestra nanet muzykaŭ, adsutnaść dekaracyj i inšyja niecharakternyja dla opiery ŭłaścivaści. Adnak, apynułasia, što opiera ŭ takim vyhladzie stanovicca nasamreč bolš prostaj dla razumieńnia.
Kvintet strunnych i kvartet duchavych nie spraščaje muzyku Maniuški, adnak jaje miełodyka, u paraŭnańni ź viersijaj dla vialikaha arkiestra, vystupaje na pieršy płan, robicca vidavočnaj, nie hublajecca ŭ palifanii hukaŭ. Nasamreč dla hledača da opiery nie padrychtavanaha, takaja viersija budzie bolš zrazumiełaj.
Što tyčycca akciorskaha składu, to pra jaho kazać dakładna možna budzie ŭžo paśla premjery — maładyja vykanaŭcy rolaŭ Zosi, Stanisłava i Bartaša całkam adpaviadajuć vobrazam hierojaŭ Maniuški.
I što važna, u takim vyhladzie, Verbum Nobile praściej pryvieźci z hastrolami, na žal, zaraz teatr «Halereja» płanuje tolki adzin dadatkovy pakaz — 20 červienia ŭ Hrodnie, u «teatry Tyzienhaŭza», to bok abłasnym teatry lalek.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary