На Антопальскай ватна-прадзільнай фабрыцы ў Драгічынскім раёне пачалі выпускаць уцепленыя зімовыя папоны для цялят. Ідэя з'явілася пасля мінулай зімы, калі моцныя маразы прымусілі гаспадаркі шукаць дадатковыя спосабы абараніць маладняк ад пераахаладжэння, піша БелТА.
Для папон выкарыстоўваюць беларускія матэрыялы ўласнай вытворчасці. Таўшчыню ўцяпляльніка падбіраюць у залежнасці ад тэмпературы: для ўмоў да —5 градусаў падыходзіць больш тонкі пласт, а для моцных маразоў вырабляюць больш цёплыя варыянты. У якасці ўцяпляльніка выкарыстоўваюць іголкапрабіўны матэрыял або сінтэпон рознай таўшчыні.
Верхні пласт робяць з воданепранікальнай тканіны, якая абараняе жывёліну ад вільгаці, а ўнутраны — з баваўнянага матэрыялу. Важна, каб папона была мяккай і не раздражняла скуру цяляці. Матэрыялы, якія могуць ствараць «парніковы эфект», выклікаць перагрэў і моцнае потааддзяленне, выкарыстоўваць не будуць. Для зручнасці папоны маюць зашчэпкі-фіксатары і рэгуляваныя рамяні.
Асабліва патрэбная такая абарона нованароджаным цялятам. У першы месяц жыцця іх сістэма тэрмарэгуляцыі яшчэ недастаткова развітая, таму яны хутчэй пераахалоджваюцца або пераграваюцца. Уцепленая папона дапамагае паменшыць страты энергіі на падтрыманне тэмпературы цела і захаваць больш рэсурсаў для росту.
Адначасова ў Брэсцкай вобласці рыхтуюцца да новага халоднага сезона і паляпшаюць умовы ўтрымання маладняку. У 2026 годзе тут плануюць пабудаваць 36 і рэканструяваць яшчэ 17 прафілакторыяў для цялят. Мяркуецца, што да 2027 года ўсё пагалоўе цялят у рэгіёне будзе ўтрымлівацца ў сучасных умовах.
Беларускія зубры, якіх узімку прывезлі ў Башкартастан, за тыдзень абраслі доўгай поўсцю
Дэпутаты выпадкова злілі дакумент пра катастрафічны падзеж жывёлы ў сельскіх гаспадарках
«Ужо ў СІЗА». За жахлівы падзеж цялят на Гомельшчыне арыштавалі кіраўніка гаспадаркі
Гінулі ад паводкі, але выратаваліся пераездам. Як цяпер жывецца ў Беларусі турападобным быкам
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары