Беларускія вясляркі Таццяна Клімовіч і Алена Фурман сталі чэмпіёнкамі Еўропы ў акадэмічным веславанні ў дысцыпліне «двойка парная». Спаборніцтвы праходзяць у італьянскім Варэзэ, паведамляе БелТА.
У фінальным заездзе жаночых двухмесных экіпажаў удзельнічалі каманды з Беларусі, Швейцарыі, Літвы, Германіі, Грэцыі і Вялікабрытаніі.
Пасля першай паловы дыстанцыі беларускі спартсменкі ішлі трэцімі, але на другой частцы заезду змаглі значна дадаць у тэмпе і ў выніку першымі перасеклі фінішную лінію. Срэбра заваявалі грэцкія вясляркі Дзімітра Конту і Евангелія Анастасіяду, якія адсталі ад беларусак на 1,32 секунды. Трэцяе месца занялі прадстаўніцы Літвы Марціна Казлаўскайце і Давіле Рымкуце.
Для Алены Фурман гэтая перамога стала пятай на чэмпіянатах Еўропы. Раней яна станавілася чэмпіёнкай у адзіночцы ў 2018, 2021 і 2024 гадах, а таксама ў двойцы парнай у 2019 годзе. Цяпер да гэтых тытулаў дадалася яшчэ адна залатая ўзнагарода.
Летась Клімовіч і Фурман разам заваявалі бронзавыя медалі чэмпіянату свету ў гэтай самай дысцыпліне.
Заўтра беларускія спартсмены павінны выступіць яшчэ ў трох фіналах еўрапейскага першынства: у мужчынскай адзіночцы (Яўген Залаты), жаночай лёгкай адзіночцы (Валерыя Шэндэль) і мужчынскай васьмёрцы з рулявым.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну86
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары