Прэзідэнт Украіны Уладзімір Зяленскі пасля чарговай масіраванай атакі Расіі заклікаў заходніх партнёраў паскорыць пастаўкі сродкаў супрацьпаветранай абароны і паведаміў пра крытычны недахоп ракет-перахопнікаў для абароны ад балістычных удараў.
«Абарона ад расійскай ракетнай пагрозы — гэта найважнейшая задача для захавання жыццяў нашых людзей. Усе партнёры ведаюць, як і чым могуць дапамагчы. Несвоечасовая дапамога, затрымкі з пастаўкамі супрацьбалістычных ракет — менавіта гэта прыводзіць да такіх разбурэнняў і ахвяр», — заявіў Зяленскі ў сваім Telegram.
Паводле яго слоў, у ноч на 30 ліпеня пад ударамі апынуліся Кіеў і Кіеўская вобласць, а таксама Днепрапятроўская, Львоўская, Палтаўская, Харкаўская, Мікалаеўская, Сумская, Вінніцкая, Чаркаская і Івана-Франкоўская вобласці.
Былі пашкоджаны дзясяткі жылых дамоў, прадпрыемствы і аб'екты інфраструктуры. У Львове колькасць пацярпелых вырасла да 30 чалавек, былі пашкоджаны больш за 20 жылых дамоў, школа і два дзіцячыя садкі.
У прыгарадзе Крывога Рога ў выніку ўдару па жылым доме загінула ўся сям'я — шэсць чалавек.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары