Прамое траплянне «Іскандэра» ў дом пад Крывым Рогам: шэсць загінулых, сярод іх дзеці
Яшчэ восем чалавек атрымалі раненні.
Падчас масіраванага абстрэлу Украіны з боку Расіі ў ноч на 30 ліпеня загінула цэлая шматдзетная сям'я Воранавых з пасёлка Радашнае Крыварожскага раёна Днепрапятроўскай вобласці, піша УНІАН.
Адбылося прамое траплянне балістычнай ракеты «Іскандэр-М», выпушчанай з Варонежа, у прыватны дом, паведаміў кіраўнік вайсковай адміністрацыі Крывога Рога Аляксандр Вілкул.
Паводле яго слоў, загінулі дзве дзяўчынкі (5 і 12 гадоў), а таксама чацвёра дарослых. Яшчэ восем чалавек атрымалі раненні, сярод іх двое дзяцей — хлопчыкі 6 і 15 гадоў.
«Аварыйна-выратавальная аперацыя працягваецца, разбор завалаў яшчэ ідзе. На жаль, колькасць ахвяр можа павялічыцца. Параненым аказваецца ўся неабходная дапамога», — напісаў Вілкул.
У ноч на 30 ліпеня расійскія войскі атакавалі розныя рэгіёны Украіны ракетамі і ўдарнымі беспілотнікамі. Паветраныя сілы паведамлялі пра запускі балістычных ракет у напрамку Кіева, Дняпра і Крывога Рога.
Выбухі таксама былі чутныя ў Львове. Паводле папярэдніх звестак, у горадзе пашкоджаны два шматпавярховыя дамы, вядома як мінімум пра пяць пацярпелых.
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі27
Каментары