Трамваі ў Мінску канчаткова перасталі хадзіць да канцавога прыпынку «Возера»
Новым канцавым пунктам стаў «Палац дзяцей і моладзі».
Дыспетчарская станцыя «Возера» канчаткова спыніла працу. Апошнія рэйсы туды былі выкананы яшчэ 9 ліпеня, пасля чаго трамваі ў гэты раён горада больш не курсіравалі, піша Blizko.by.
Цяпер прадпрыемства «Сталічны транспарт і сувязь» паведаміла, што рух трамваяў аднаўляецца да новага канчатковага пункта — «Палац дзяцей і моладзі».
Такім чынам, з 16 ліпеня ў работу трамвайных маршрутаў уносяцца наступныя змены:
- трамваі № 3 і № 5 будуць курсіраваць ад праспекта Машэрава па вуліцы Даўмана і Старавіленскім тракце да новага разваротнага кальца;
- трамвайны маршрут № 3 атрымаў назву «Серабранка — Палац дзяцей і моладзі», а маршрут № 5 — «Зялёны Луг — Палац дзяцей і моладзі»;
- трамвайны маршрут № 4 скасоўваецца.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў2
Каментары