Прэзідэнт ЗША Дональд Трамп плануе сёння сустрэцца з генеральным сакратаром НАТА Маркам Рутэ і абмеркаваць магчымы выхад ЗША з альянсу. Пра гэта на брыфінгу паведаміла прэс-сакратарка Белага дома Кэралайн Левіт, піша CNN.
Сустрэча павінна адбыцца ў Авальным кабінеце і Трамп разлічвае на адкрытую і шчырую размову. Паводле слоў ягонай прэс-сакратаркі, пытанне пра выхад ЗША з НАТА сапраўды будзе ўзнята падчас перамоў.
Раней Трамп ужо крытыкаваў саюзнікаў па альянсе. Ён лічыць, што яны не падтрымалі ЗША ў канфлікце з Іранам і ўвогуле не апраўдваюць чаканняў, хоць Амерыка выдаткоўвае вялікія сродкі на іх абарону. На думку амерыканскага прэзідэнта, НАТА дзейнічае нераўнапраўна: ЗША абараняюць іншых, але не атрымліваюць дапамогі ў адказ.
Таксама Трамп заяўляў, што сур’ёзна разглядае магчымасць выхаду краіны з альянсу. Ён адзначаў, што расчараванне ў НАТА ўзмацнілася пасля таго, як еўрапейскія краіны не падтрымалі яго пазіцыю ў розных пытаннях, у тым ліку адносна Грэнландыі, якую ён хоча адабраць у іншага члена НАТА — Даніі.
Візіт Рутэ ў Вашынгтон працягнецца некалькі дзён і праходзіць на фоне напружаных адносін паміж ЗША і НАТА.
«Я заўсёды ведаў, што яны папяровы тыгр». Трамп заявіў, што разглядае магчымасць выхаду з НАТА
Рубіа заявіў, што ЗША неабходна пераасэнсаваць значэнне НАТА
Як пагроза з боку Расіі зрабіла Германію вядучай вайсковай сілай Еўропы
Трамп хоча пазбавіць права голасу ў НАТА тыя краіны, якія трацяць на абарону менш за 5% ВУП
Трамп: Калі для Еўропы вайна ў Іране — не іх вайна, то і вайна ва Украіне — не наша
ЗША ўжо запланавалі наземную аперацыю ў Іране
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі26
Каментары