Трамп: Калі для Еўропы вайна ў Іране — не іх вайна, то і вайна ва Украіне — не наша
Прэзідэнт ЗША Дональд Трамп на пасяджэнні амерыканскага ўрада раскрытыкаваў пазіцыю федэральнага канцлера Германіі Фрыдрыха Мерца адносна канфлікту з Іранам і назваў яго заяву недарэчнай.
Фрыдрых Мерц раней сказаў, што вайна ў Іране — гэта не вайна Еўропы. Трамп адказаў, што тады і вайна ва Украіне таксама не з’яўляецца вайной ЗША, хоць яны і аказваюць дапамогу.
«Я пачуў, як кіраўнік Германіі сказаў: «Гэта не наша вайна ў дачыненні да Ірана», я адказаў: «Ну, Украіна — гэта таксама не наша вайна». Мы аказалі дапамогу, але Украіна — гэта не наша вайна. Я лічу, што гэта была вельмі недарэчная заява, але ён яе зрабіў, і яе ўжо не забраць назад», — сказаў Трамп.
Дональд Трамп таксама заявіў, што ЗША фактычна абараняюць Еўропу ад Расіі, хоць гэта, па яго словах, не зусім іх справа. Ён падкрэсліў, што Амерыка ўдзельнічае ў абароне НАТА, але еўрапейскія краіны, на яго думку, не робяць таго ж у адказ.
«Падумайце самі: мы там, каб абараняць Еўропу ад Расіі. Тэарэтычна гэта нас не тычыцца — у нас ёсць акіян, вялікі, шырокі, цудоўны акіян, але мы там, каб абараняць НАТА, абараняць іх ад Расіі, а яны не там, каб абараняць нас. Гэта смешна, гэта не мае сэнсу», — сказаў Трамп.
Акрамя таго, ён выказаў незадаволенасць тым, што краіны НАТА, як ён лічыць, амаль не падтрымліваюць ЗША ў сітуацыі з Іранам. Трамп адзначыў, што Амерыцы нічога не трэба ад альянсу, але пра такую пазіцыю партнёраў не варта забываць.
Чаму Мерц так стрымана рэагуе на Трампаў замах на Грэнландыю? Бо Германія найбольш залежная ад ЗША
Трамп заявіў, што ў Афганістане саюзнікі па НАТА адседжваліся ў тыле. Ветэраны ў Еўропе страшэнна абураныя
«Еўропе трэба сказаць Дональду «хопіць!». У еўрапейскім выданні з'явіўся праграмны артыкул
Мерц рэзка раскрытыкаваў рашэнне ЗША змякчыць санкцыі супраць расійскай нафты
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі7
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4646
Каментары
А вось быў бы прэзыдэнтам Байдэн, дык вайны ў Персіцкай затоцы ўвогуле не было б ! Па-мойму трэба ўвесь час зьвінець пра гэта Трампу ў вушы, як ён любіць...
да и давали уже один раз.. одни пустые слова.