Пра смерць амерыканскага акцёра і кінарэжысёра Роберта Дзюваля паведаміла агенцтва AFP са спасылкай на заяву яго жонкі. Яму было 95 гадоў.
Роберт Дзюваль стаў вядомы дзякуючы ролям у фільмах «Вайскова-палявы шпіталь», «Хросны бацька» і «Апакаліпсіс сёння». За сваю кар’еру ён зняўся больш як у ста кінастужках.
Творчы шлях акцёра пачаўся на тэлебачанні ў 1960‑х гадах. У 1962 годзе ён упершыню з’явіўся ў вялікім кіно, сыграўшы Бу Рэдлі ў фільме «Забіць перасмешніка». Праз некалькі гадоў, у 1966-м, ён пачаў выступаць на Брадвеі.
У 1984 годзе Дзюваль атрымаў прэмію «Оскар» за найлепшую мужчынскую ролю ў фільме «Пяшчотная міласэрнасць». Акрамя таго, яго шэсць разоў вылучалі на «Оскар» за ролі ў фільмах «Хросны бацька», «Апакаліпсіс сёння», «Вялікі Санціні», «Апостал», «Грамадзянскі пазоў» і «Суддзя».
Таксама ён быў удастоены прэміі BAFTA і чатырох узнагарод «Залаты глобус».
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну84
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары